ධවල මන්දිර වාර්තාකරුවන්ගේ රාත්රී භෝජන සංග්රහය (WHCD) අතරතුර සිදුවූ වෙඩි තැබීමේ සිද්ධිය හේතුවෙන් තාවකාලිකව අවලංගු කෙරුණු එම උත්සවය, ඉදිරි දින 30 ඇතුළත නැවත පවත්වන බව ඇමරිකානු ජනාධිපති ඩොනල්ඩ් ට්රම්ප් ප්රකාශ කර තිබේ. ආරක්ෂක හේතූන් මත උත්සවය අතරමග නතර කිරීමට සිදුවුවද, සැලසුම් කළ පරිදි එය උත්කර්ෂවත් අයුරින් යළි පවත්වන බව ජනාධිපතිවරයා තහවුරු කළේය.
මෙම සිදුවීමට සම්බන්ධ 31 හැවිරිදි සැකකරු මේ වන විට අත්අඩංගුවේ පසුවන අතර, ඔහු සතුව තිබූ ගිනි අවි කිහිපයක් ද ආරක්ෂක අංශ භාරයට ගෙන ඇත. ප්රහාරකයා මෙල්ල කිරීමට කටයුතු කළ රහස් ඔත්තු සේවයේ (Secret Service) නිලධාරීන්ගේ නිර්භීතභාවය ද ජනාධිපතිවරයා මෙහිදී නැවත වරක් අගය කර සිටියේය.
නැවත පවත්වන උත්සවය සඳහා ආරක්ෂක විධිවිධාන උපරිම අයුරින් තර කරන ලෙස නියෝග කර ඇති අතර, ධවල මන්දිර වාර්තාකරුවන්ගේ සංගමය සමඟ සාකච්ඡා කර ඒ සඳහා සුදුසු දිනයක් ඉදිරියේදී ප්රකාශයට පත් කිරීමට නියමිතය.
