හෝමූස් සමුද්ර සන්ධියේ ක්රියාත්මක “Project Freedom” මෙහෙයුමට සම්බන්ධ අමෙරිකානු නාවික හමුදා වත්කම් ඉලක්ක කර ඉරානය ප්රහාර එල්ල කළහොත්, ඉරානය “ලෝක සිතියමෙන් අතුගා දමන” බවට අමෙරිකානු ජනාධිපති ඩොනල්ඩ් ට්රම්ප් දැඩි අනතුරු ඇඟවීමක් සිදු කර තිබේ. Fox News නාලිකාව සමඟ පැවැත්වූ විශේෂ සාකච්ඡාවකදී ජනාධිපතිවරයා මෙම ප්රකාශය සිදු කර ඇති බව විදෙස් මාධ්ය වාර්තා කරයි.
අමෙරිකානු නෞකාවලට හෝ හමුදාවන්ට එරෙහිව ඉරානය සිදු කරන ඕනෑම ප්රහාරයකට අතිශය විනාශකාරී සහ ප්රබල ප්රතිචාරයක් ලැබෙනු ඇති බව ජනාධිපතිවරයා මෙහිදී අවධාරණය කළේය. පවතින දැඩි පීඩනය හමුවේ තෙහෙරාන් පාලනය (Tehran) සාකච්ඡා මේසයේදී මීට වඩා නම්යශීලී (More malleable) ප්රතිපත්තියක් අනුගමනය කිරීමට උත්සාහ කරමින් සිටින බව ද ඔහු වැඩිදුරටත් පෙන්වා දී ඇත.
හෝමූස් සමුද්ර සන්ධියේ නාවික ආරක්ෂාව සම්බන්ධයෙන් දෙරට අතර පවතින යුදමය උණුසුම මෙම ප්රකාශයත් සමඟ තවදුරටත් තීව්ර වී තිබේ. ඉරාන වේගවත් යාත්රා කිහිපයක් අමෙරිකානු හමුදා විසින් මීට පෙර විනාශ කිරීමත් සමඟ කලාපීය තත්ත්වය අතිශය අවදානම් සහගත මට්ටමකට පත්ව ඇත.
