මාධ්ය වාර්තාකරණය දැඩි ලෙස විවේචනය කරන සහ මාධ්යවේදීන් සමඟ නිතර ගැටුම් ඇති කරගන්නා ඇමෙරිකානු ජනාධිපති ඩොනල්ඩ් ට්රම්ප්, වසර ගණනාවකට පසු ප්රථම වතාවට ධවල මන්දිර මාධ්යවේදීන්ගේ සංගමය (WHCA) සංවිධානය කරන වාර්ෂික රාත්රී භෝජන සංග්රහයට සහභාගී වීමට තීරණය කර තිබේ. සිය ප්රථම ධුර කාලය තුළ සහ පසුගිය වසරේදී මෙම උත්සවය වර්ජනය කළ ට්රම්ප්, මෙවර ඇමෙරිකාවේ 250 වන නිදහස් සංවත්සරයට ගරු කිරීමක් වශයෙන් ආරාධනය පිළිගත් බව සඳහන් කර ඇත. කෙසේ වෙතත්, ට්රම්ප්ගේ පැමිණීම පිළිබඳව වොෂින්ටනයේ මාධ්ය ක්ෂේත්රය තුළ දැඩි කතාබහක් සහ විරෝධයක් ද මතු වී තිබේ.
මාධ්යවේදීන් පිරිසක් ට්රම්ප්ගේ පැමිණීමට විරෝධය පළ කරමින් උත්සවය වර්ජනය කිරීමට තීරණය කර ඇති අතර, තවත් පිරිසක් අදහස් ප්රකාශ කිරීමේ නිදහස වෙනුවෙන් පෙනී සිටින ලාංඡන පැළඳීමට සැලසුම් කර ඇත. ට්රම්ප් පවසන්නේ තමන් මීට පෙර මෙම උත්සවයට සහභාගී නොවූයේ මාධ්ය තමන්ට අසාධාරණ ලෙස සැලකූ නිසා බවයි. එසේ වුවද, මෙවර උත්සවයේදී ඔහු විනාඩි 40ක පමණ විශේෂ දේශනයක් පැවැත්වීමට නියමිත අතර, එහිදී ඔහු මාධ්ය වෙත කෙබඳු ආකාරයේ ප්රහාරයක් හෝ ප්රකාශයක් එල්ල කරනු ඇත්දැයි ලෝකයම අවධානයෙන් පසුවෙයි.
