ඇඹිලිපිටිය, කුට්ටිගල ප්රදේශයේ පිහිටි කච්චිගල වැවේ දිය නෑමට ගිය පුද්ගලයන් දෙදෙනෙකු දියේ ගිලී ජීවිතක්ෂයට පත්ව ඇති බව පොලිස් මාධ්ය ප්රකාශක කාර්යාලය අද (16) නිවේදනය කළේය.
මෙලෙස අවාසනාවන්ත ලෙස මියගොස් ඇත්තේ වයස අවුරුදු 60 සහ 78 යන වයස්වල පසුවූ පිරිමි පුද්ගලයන් දෙදෙනෙකි. ඔවුන් දෙදෙනා වැවේ දිය නෑමට ගොස් සිටියදී මෙලෙස දියේ ගිලී ඇති අතර, සිරුරු ගොඩගැනීමෙන් පසු මරණ පරීක්ෂණ කටයුතු සඳහා ඇඹිලිපිටිය රෝහල වෙත යොමු කර ඇත.
සිද්ධිය සම්බන්ධයෙන් කුට්ටිගල පොලිසිය වැඩිදුර විමර්ශන සිදුකරනු ලබයි. මෙවර අලුත් අවුරුදු නිවාඩු සමය තුළ දියේ ගිලීම් හේතුවෙන් සිදුවන මරණ සංඛ්යාව ඉහළ ගොස් ඇති බැවින්, දිය නෑමේදී වඩාත් අවධානයෙන් පසුවන ලෙස පොලිසිය මහජනතාවගෙන් ඉල්ලා සිටියි.
