ලොව සුප්රකට ප්රවාහන සේවා සැපයුම්කරුවෙකු වන උබර් (Uber) සමාගම, සිය ප්රතිවාදී ආහාර බෙදාහැරීමේ සමාගමක් වන ඩිලිවරි හීරෝ (Delivery Hero) හි තවත් සියයට හතරයි දශම පහක (4.5%) කොටස් ප්රමාණයක් මිලදී ගැනීමට ගිවිසුම්ගත වී ඇති බව ෆයිනෑන්ෂියල් ටයිම්ස් පුවත්පත වාර්තා කරයි. මෙම ගනුදෙනුව යටතේ උබර් සමාගම යුරෝ මිලියන 270ක (ඇමෙරිකානු ඩොලර් මිලියන 318.1ක් පමණ) වටිනාකමකින් යුත් කොටස් මිලදී ගැනීමට නියමිතය.
මෙම කොටස් මිලදී ගනු ලබන්නේ ඩිලිවරි හීරෝ සමාගමේ විශාලතම කොටස් හිමිකරු වන ප්රෝසස් (Prosus) සමාගමෙන් වන අතර, එක් කොටසක් යුරෝ 20 බැගින් වූ මිලකට මෙම ගනුදෙනුව සිදුවනු ඇතැයි පැවසේ. ජර්මනිය පදනම් කරගත් ඩිලිවරි හීරෝ සමාගම ලොව පුරා රටවල් රැසක ආහාර බෙදාහැරීමේ සේවාවන් මෙහෙයවන අතර, උබර් සමාගම මෙලෙස සිය ආයෝජනයන් පුළුල් කිරීම හරහා ගෝලීය ආහාර සහ භාණ්ඩ බෙදාහැරීමේ වෙළෙඳපොළ තුළ සිය ස්ථාවරය තවදුරටත් ශක්තිමත් කිරීමට අපේක්ෂා කරයි.
