ගෝලීය වශයෙන් ප්‍රකට Uber තාක්ෂණික සමාගම විසින් සිය සමස්ත සේවක මණ්ඩලයෙන් 10%ක්, එනම් 3,300කට ආසන්න සේවකයින් පිරිසක් රැකියාවලින් ඉවත් කිරීමට පියවර ගෙන තිබේ. කොවිඩ්-19 වසංගත සමයෙන් පසුව Uber සමාගම විසින් සිදුකළ විශාලතම සේවක කප්පාදුව මෙය ලෙස වාර්තා වේ.
ස්වයංක්‍රීයව ධාවනය වන රොබෝටැක්සි (Robotaxi) තාක්ෂණයේ දැවැන්ත වර්ධනය සහ Waymo, Tesla වැනි සමාගම්වලින් එල්ල වන දැඩි තරගකාරීත්වය හමුවේ සමාගමේ පාලන ව්‍යුහය සරල කිරීම සහ තීරණ ගැනීම වේගවත් කිරීම මෙම තීරණයට ප්‍රධාන හේතුව බව Uber ප්‍රධාන විධායක නිලධාරී ඩාරා කොස්රෝෂාහි (Dara Khosrowshahi) සඳහන් කරයි. ඉදිරි වසර කිහිපය තුළ රොබෝටැක්සි තාක්ෂණය වෙනුවෙන් ඇමෙරිකානු ඩොලර් බිලියන 10කට වැඩි මුදලක් ආයෝජනය කිරීමට Uber සමාගම සැලසුම් කර ඇති අතර, මෙම සේවක කප්පාදුවත් සමඟ නිවසේ සිට සේවය කිරීමේ (Fully Remote) අවස්ථාව ද සේවකයින්ගෙන් 1%ක් දක්වා සීමා කිරීමට පියවර ගෙන තිබේ.
තොරතුරු උපුටා ගැනීම: Reuters ඇසුරින්
