කොළඹ සිනමන් ග්රෑන්ඩ් හෝටල් පරිශ්රයේදී පැවැත්වුණු CLA Great Managers Awards 2025 සම්මාන උළෙලේදී, යුනියන් ඇෂුවරන්ස් (Union Assurance) සමාගම අඛණ්ඩව පස්වන වසරටත් “විශිෂ්ට කළමනාකරුවන් සහිත සමාගමක්” (Company with Great Managers) ලෙස ගෞරවයට පාත්ර විය. කොළඹ ලීඩර්ෂිප් ඇකඩමිය (Colombo Leadership Academy) විසින් වාර්ෂිකව සංවිධානය කරනු ලබන මෙම සම්මානය මඟින් යුනියන් ඇෂුවරන්ස් ආයතනය සතු නායකත්ව විශිෂ්ටත්වය සහ කළමනාකරණ කාර්යක්ෂමතාව ජාත්යන්තර ප්රමිතීන්ට අනුකූල බව තහවුරු කෙරේ.
මෙවර සම්මාන උළෙලේදී එම සමාගමේ නායකයින් පස්දෙනෙකු විවිධ කාණ්ඩ යටතේ පුද්ගලික ඇගයීම්වලට ද ලක්විය. ඒ අනුව ශෂිකා පෙරේරා, ඉෂාන්ති උමේදා, ගෝවින්දසාමි මතිරූබන්, අෂේන් ඉරංජ සහ තුලානි ජයවික්රම යන මහත්ම මහත්මීන් ඔවුන්ගේ විශිෂ්ට කළමනාකරණ දක්ෂතාවන් වෙනුවෙන් සම්මානයෙන් පිදුම් ලැබූහ. ආයතනික සංස්කෘතිය තුළ නායකත්වය සහ වෘත්තීය නිපුණත්වය අඛණ්ඩව වර්ධනය කිරීමට යුනියන් ඇෂුවරන්ස් සමාගම දක්වන කැපවීම මෙම ජයග්රහණය හරහා මැනවින් පිළිබිඹු වන බව එම සමාගම සඳහන් කරයි.
