සමාජයක සංවර්ධනය සහ ජනතා සුබසාධනය වෙනුවෙන් සුවිශාල මෙහෙවරක් ඉටුකරන රාජ්ය සේවකයින්ගේ වටිනාකම සහ ඔවුන්ගේ කැපවීම ඇගයීමට ලක් කිරීම අරමුණු කරගනිමින්, සෑම වසරකම ජූනි 23 වන දිනය “එක්සත් ජාතීන්ගේ රාජ්ය සේවා දිනය” (United Nations Public Service Day) ලෙස ප්රකාශයට පත් කර තිබේ.
එක්සත් ජාතීන්ගේ මහා මණ්ඩලය විසින් 2002 වසරේ දෙසැම්බර් 20 වන දින සම්මත කරගන්නා ලද 57/277 දරන යෝජනාවට අනුව මෙම දිනය නම් කර ඇති අතර, 2003 වසරේදී එය ප්රථම වරට සමරනු ලැබීය. රාජ්ය සේවකයින් විසින් සමාජය වෙනුවෙන් ඉටුකරනු ලබන උදාර සහ වටිනා සේවය ප්රශංසාවට ලක් කිරීම මෙම දිනයේ ප්රධාන අරමුණයි.
ලොව පුරා බොහෝ රටවල මෙම දිනයට සමගාමීව රාජ්ය සේවකයින් ඇගයීමේ විශේෂ වැඩසටහන් ක්රියාත්මක කෙරෙන අතර, ඔවුන්ගේ කාර්යක්ෂමතාව සහ නිර්මාණශීලීත්වය ඉහළ නැංවීම සඳහා ද විවිධ දිරිගැන්වීම් සිදුකරනු ලබයි. රාජ්ය පද්ධතියක කාර්යක්ෂම පැවැත්ම සහ රටක සංවර්ධනය වෙනුවෙන් රාජ්ය සේවකයින් සිදුකරන අගනා මෙහෙවර මෙවැනි දිනයන් මගින් ජාත්යන්තර මට්ටමෙන් පිළිගැනීමට ලක් කරයි.
