පසුගිය උසස් පෙළ විභාගයේ ප්රතිඵල මත විශ්වවිද්යාල උපාධි පාඨමාලා සඳහා අයැදුම්පත් කැඳවීම ලබන අප්රේල් 27 වැනිදා ආරම්භ කරන බව විශ්වවිද්යාල ප්රතිපාදන කොමිෂන් සභාව නිවේදනය කරයි. මෙවර අයැදුම්පත් භාර ගැනීම සම්පූර්ණයෙන්ම අන්තර්ජාලය (Online) ඔස්සේ සිදු කෙරේ.
විශ්වවිද්යාල ප්රතිපාදන කොමිෂන් සභාවේ උප සභාපති මාහාචාර්ය වසන්ත ලියනගේ මහතා සඳහන් කළේ අයැදුම්කරුවන්ට ඒ සඳහා සති තුනක කාලයක් ලබා දෙන බවයි. මීට අදාළ උපදෙස් සහ පාඨමාලා විස්තර ඇතුළත් විශ්වවිද්යාල ප්රවේශ අත්පොත ඉදිරි දින කිහිපය තුළ නිකුත් කිරීමට නියමිතය. සිසුන්ට තම සුදුසුකම්වලට ගැළපෙන පාඨමාලා තෝරාගැනීම සඳහා මෙම අත්පොත මහත් උපකාරයක් වනු ඇත.
