පේරාදෙණිය විශ්වවිද්යාලයේ වැඩබලන ලේඛකාධිකාරී තනතුරට පත්කර තිබෙන එම්.ජී.ජයන්තා ධර්මසිරි නැමැති නිලධාරිනියගේ තවත් දුෂිත ක්රියා කිහිපයක් පිලිබදව අප වෙත කරුණු වාර්ථා වී ඇත.
මෙම තැනැත්තිය කෝප් කමිටුව විසින් ලේඛකාධිකාරී තනතුරෙන් එළවීමට පෙර කාලයේ විශ්වවිද්යාල පරිපාලනයට එරෙහි පෙත්සමක් අත්සන් කිරීමට නායකත්වය ලබාදී ඇත.ඇය ලේඛකාධිකාරී තනතුර දරමින් සිටියදීම විශ්වවිද්යාලයේ අනෙකුත් විධායක සහ පරිපාලන නිලධාරීන් මෙහෙයවමින් පාලක සභාවේ අනු කමිටුවක් වන විගණන කළමනාකරණ කමිටුවේ සභාපති ලෙස කටයුතු කල පාලක සභා සාමාජික ජේ.සී.වර්ණකුල එම තනතුරෙන් නෙරපීම සදහාමෙම පෙත්සම අත්සන් කර ඉහල පරිපාලන නිලධාරීන්ට යොමු කර ඇති අතර එම පෙත්සමෙහි අංක 01 ට අත්සන් කර ඇත්තේද ලේඛකාධිකාරී වන මෙම තැනැත්තියමය.
2023 මාර්තු මාසයේදී පැවැති ශ්රී ලංකා පාර්ලිමේන්තුවේ කෝප් කමිටුවේදී මේ සම්බන්ධයෙන් බරපතල විවේචන එල්ල වූ අතර සම්බන්ධතා අතර නියත ගැයටුමක් පෙන්වන මෙම අවිචාරවත් ක්රියාව සම්බන්ධයෙන් අදාල තැනැත්තිය ඇතුළු පෙත්සමට අත්සන් කරන ලද සියළු දෙනාට එරෙහිව විනය පියවර ගත යුතු වන බව නිර්දේශ කෙරිණි.
2023 වර්ෂයේ මුල්භාගයේදී ජර්මනියේ සහ ඉතාලියේ සංචාරයක් සදහා යාමට විහ්වවිද්යාලයේ පුනරාවර්ථන වැය ගිණුමෙන් නීති විරෝධී ලෙසට රුපියල් මිලියන 6.9 ක මුදලක් ලබාගැනීම සම්බන්ධයෙන් වන චෝදනාවකට අදාලවද අදාල තැනැත්තියගේ නම ගෑවි තිබෙන බව දැනගන්නට ඇත.
පසුගිය කොවිඞ් සමයේ ශ්රී ලංකාව බරපතල ඩොලර් හිගයකට ුමුහුණ දෙමින් සිටියදී විදේශ සංචාර සදහා දේශීය අරමුදල් භාවිතා නොකරන මෙන් මහා භාංඩාගාරයේ සහ විශ්වවිද්යාල ප්රතිපාදන කොමිෂන් සභාවේ චක්රලේඛන තුනක් නිකුත් කර තිබියදී එකී සියළු මාර්ගෝපදේශ උල්ලංඝණය කරමින් මෙම විදේශ සංචාරය සදහා දේශීය අරමුදල් භාවිතා කිරීම සිදුකර ඇත.මේ සම්බන්ධයෙන් පුරවැසියෙකුගෙන් ලැබුන පැමිණිල්ලක් ප්රකාර අල්ලස් කොමිසම විසින් මේ වන විට විමර්ශනයක් පවත්වාගෙන යමින් තිබේ.
මෙම තැනැත්තියගේ ස්වාමිපුරුෂයා නුවරඑළිය දිස්ත්රික් කම්කරු නිලධාරියෙකු ලෙස කටයුතු කරමින් සිටියදී අල්ලස් ලබාගැනීමක් හේතුවෙන් අල්ලස් කොමිසම විසින් අත්අඩංගුවට ගෙන රක්ෂිත බන්ධනාගාර ගත කිරීමෙන් පසුව අදාල දෙපාර්තමේන්තුව විසින් රැකියාවෙන් නෙරපා හැර ඇති තැනැත්තෙකු වන බවද දැනගන්නට ඇත.
මෙවැනි බරපතල දුෂණ චෝදනා සහිත තැනැත්තියක නැවත වැඩබලන ලේඛකාධිකාරී තනතුරට පත්කිරීම හේතුවෙන් පේරාදෙණිය විශ්වවිද්යාල පරිපාලනයේ පිරිසිදුභාවය සහ විනිවිදභාවය සම්බන්ධයෙන් බරපතල සැක මතුවන බව විශ්වවිද්යාල ප්රජාව කියා සිටී.
