එක්සත් ජනපද ගුවන් හමුදාවට අයත් Boeing C-17 Globemaster III වර්ගයේ හමුදා ප්රවාහන ගුවන් යානයක් මොස්කව් හි ව්නුකොවෝ ජාත්යන්තර ගුවන් තොටුපළ වෙත ගොඩබස්වා ඇති බව Flightradar24 දත්ත උපුටා දක්වමින් ජාත්යන්තර මාධ්ය වාර්තා කරයි.
ලැට්වියාවේ රිගා නුවරින් පියාසර කර ඇති මෙම ගුවන් යානය මොස්කව් වේලාවෙන් පෙ.ව. 10:04 ට පමණ ව්නුකොවෝ ගුවන් තොටුපළ වෙත ළඟාවී තිබේ. මීට පෙර මෙම ගුවන් යානය ඇමරිකාවේ මේරිලන්ඩ් හි පිහිටි ජොයින්ට් බේස් ඇන්ඩෲස් ගුවන් හමුදා කඳවුරේ සිට පැමිණ ඇති අතර, එය ඇමරිකානු ජනාධිපතිවරයාගේ ප්රවාහන මෙහෙයුම් සඳහා ද භාවිත වන ප්රධාන කඳවුරකි.
කෙසේ වෙතත්, අදාළ ඇමරිකානු හමුදා ගුවන් යානයේ පැමිණීම හෝ එහි අරමුණ පිළිබඳව තමන් වෙත කිසිදු නිල තොරතුරක් නොමැති බව ක්රෙම්ලිනය ප්රකාශ කර ඇති අතර, විදේශීය මාධ්ය පෙන්වා දෙන්නේ රාජ්යතාන්ත්රික හෝ තානාපති කාර්යාලීය මෙහෙයුමක් සඳහා මෙම ගමන සිදු වන්නට ඇති බවයි.
