ඩිජිටල් වත්කම් සහ ක්රිප්ටෝ මුදල් (Cryptocurrency) සඳහා පැහැදිලි ෆෙඩරල් නීති පද්ධතියක් සකස් කරන “Clarity Act” පනත වහාම සම්මත කරන ලෙස ඇමරිකානු භාණ්ඩාගාර ලේකම් ස්කොට් බෙස්න්ට් (Scott Bessent) කොංග්රස් මණ්ඩලයෙන් ඉල්ලා තිබේ. වෝල් ස්ට්රීට් ජර්නල් පුවත්පතට ලිපියක් යොමු කරමින් ඔහු පෙන්වා දෙන්නේ නියාමනයන් පිළිබඳ පවතින අවිනිශ්චිතතාවය හේතුවෙන් බොහෝ ක්රිප්ටෝ ආයෝජන ඇමරිකාවෙන් බැහැරව සිංගප්පූරුව සහ අබුඩාබි වැනි රටවලට ඇදී යන බවයි.
මෙම පනත මගින් ඩිජිටල් වත්කම් වෙළඳපොළට අවශ්ය නීතිමය ස්ථාවරත්වය ලැබෙනු ඇතැයි අපේක්ෂා කෙරේ. බැංකු සහ ක්රිප්ටෝ සමාගම් අතර පවතින ඇතැම් මතභේද හේතුවෙන් මෙම පනත සම්මත වීම මාස කිහිපයක් ප්රමාද වී තිබුණද, වෙළඳපොළේ පවතින අස්ථාවරත්වය පාලනය කිරීමට මෙය අත්යවශ්ය බව බෙස්න්ට් මහතා වැඩිදුරටත් අවධාරණය කරයි.
