රුසියාවට ආර්ථික පීඩනය වැඩි කිරීම අරමුණු කරගත් නව සම්බාධක ඇතුළත් පනත් කෙටුම්පතක් ඇමෙරිකානු නියෝජිත මන්ත්රී මණ්ඩලය ඡන්ද 262ට 159ක් ලෙස සම්මත කර තිබේ. මීට පෙර එම පනත් කෙටුම්පත සෙනෙට් මණ්ඩලයේදී ඡන්ද 86ට 11ක් ලෙස සම්මත වී තිබූ අතර, එය දැන් ජනාධිපති ඩොනල්ඩ් ට්රම්ප්ගේ අත්සන සඳහා යොමු වී ඇත.
නව පනත් කෙටුම්පත මගින් රුසියාවේ බලශක්ති හා මූල්ය ක්ෂේත්ර, ඉහළ පෙළේ නිලධාරීන් සහ සම්බාධක මඟහැරීමට යොදාගන්නා බවට චෝදනා එල්ල වන තෙල් ප්රවාහන ජාල ඉලක්ක කරමින් නව සම්බාධක පැනවීමට ප්රතිපාදන සලසා තිබේ.
පනත නීතියක් බවට පත්වුවහොත් රුසියාවෙන් තෙල් හා ගෑස් මිලදී ගන්නා ප්රධාන රටවලට අතිරේක තීරුබදු සියයට 100ක් දක්වා පැනවීමට ජනාධිපති ට්රම්ප්ට බලය ලැබෙනු ඇත. රුසියානු බලශක්තියේ ප්රධාන ගැනුම්කරුවන් වන චීනය සහ ඉන්දියාවද මෙම ප්රතිපාදනවලින් බලපෑමට ලක්විය හැක.
