ඊශ්‍රායලය සතුරු රාජ්‍යයක් මෙන් අප ගැන ඔත්තු බලද්දී කොංග්‍රසය අපේ ආරක්ෂක දත්ත ඔවුන්ට දෙනවා

වොෂින්ටන් බලකේන්ද්‍රය මුහුණ දී සිටින බරපතළ ආරක්ෂක සහ දේශපාලන පරස්පරතාවයන් මනාව සමාජගත කරමින්, ප්‍රකට දේශපාලන ලේඛක ඩැනියෙල් (Daniel) විසින් නිව්යෝර්ක් ටයිම්ස් (NYT) සහ රොයිටර්ස් (Reuters) පුවත් සේවා පදනම් කරගෙන ඇමරිකානු ආරක්ෂක පද්ධතිය මුළුමනින්ම පාවාදීමේ මහා පරිමාණ අනාවරණයක් සිදුකර තිබේ. ඇමරිකාව තමන්ගේ ආරක්ෂාව සහ ස්වෛරීභාවය බිලිදෙමින් සමීපතම මිතුරා ලෙස සලකන ඊශ්‍රායලය වෙනුවෙන් කටයුතු කරන ආකාරය පිළිබඳව කරුණු තුනක් (Three facts) එකිනෙක ගළපමින් ඔහු සිදුකළ මෙම විග්‍රහය මේ වන විට ජාත්‍යන්තර දේශපාලන කරළිය දැඩි ලෙස උණුසුම් කර ඇත.

ඔහු පෙන්වා දෙන පළමු කරුණ වන්නේ, ඊශ්‍රායලය විසින් ඇමරිකානු ඉහළම නිලධාරීන් ඉලක්ක කරගනිමින් දියත් කර ඇති “පාලනයකින් තොර” (Unhinged) ඔත්තු බැලීමේ මෙහෙයුම් හේතුවෙන් පෙන්ටගනය විසින් ඊශ්‍රායලයේ ප්‍රති-ඔත්තු බැලීමේ තර්ජන මට්ටම චීනය සහ රුසියාව වැනි සතුරු රාජ්‍යයන් පසුවන “අතිශය බයානක” (Critical) මට්ටම දක්වා ඉහළ දමා තිබීමයි. වයිට් හවුස් පාලනය මෙය අසත්‍ය බව පැවසුවද බුද්ධි අංශ නිලධාරීන් රැසක් මෙය සනාථ කර තිබේ. දෙවන කරුණ ලෙස, ඊශ්‍රායල අගමැති නෙදන්යාහු විසින් ඇමරිකානු කොංග්‍රස් මණ්ඩල සභික මාර්ලින් ස්ටුට්ස්මන් (Marlin Stutzman) වෙත පෞද්ගලික ලිපියක් යවමින්, ඇමරිකාවෙන් ලැබෙන මිලිටරි ආධාර වෙනුවට මිසයිල ආරක්ෂණ, කෘත්‍රිම බුද්ධිය (AI) සහ සයිබර් තාක්ෂණය ඇතුළත් ඒකාබද්ධ ආරක්ෂක හවුල්කාරිත්ව සැලසුමක් (My plan) යෝජනා කර ඇත. තෙවන කරුණ වන්නේ, ආරක්ෂක පනතේ 224 වැනි වගන්තිය (Section 224) හරහා දෙරටේ ආයුධ නිෂ්පාදනය, මිලිටරි පද්ධති සහ දත්ත පද්ධති (Shared data) එකිනෙකට ව්‍යුහාත්මකව සම්බන්ධ කිරීමට නීතිමය මඟ පෑදීමයි.

මෙම කරුණු ත්‍රිත්වයම විශ්ලේෂණය කරමින් ඩැනියෙල් දැඩි ලෙස ප්‍රශ්න කර සිටින්නේ, තමන්ගේම බුද්ධි අංශ මගින් අතිශය භයානක ඔත්තු බැලීමේ තර්ජනයක් ලෙස හඳුනාගත් රටක් සමඟ තමන්ගේ උත්තරීතර මිලිටරි දත්ත ජාලයන් සම්බන්ධ කිරීමට ඇමරිකානු දේශපාලන පද්ධතිය කටයුතු කරන්නේ කෙසේද යන්නයි. යම් හෙයකින් චීනය වැනි රටක් මෙවැනි ලිපියක් එවා ඇමරිකානු නිලධාරීන්ගේ දුරකථනවලට ඔත්තු බලන මෘදුකාංග ඇතුළත් කර අසුවූයේ නම්, ඊට සම්බන්ධ සියලු දෙනාට එරෙහිව මේ වන විට පරීක්ෂණ පවත්වා අවසන් බව පෙන්වා දෙන ඔහු, ඊශ්‍රායලය එම වරදම සිදුකරද්දී ඔවුන්ට තවදුරටත් ඇමරිකානු ආරක්ෂක පද්ධතියට රිංගීමට අවස්ථාව ලබාදීම හරහා වොෂින්ටනයේ සමස්ත දේශපාලන ව්‍යුහයම කෙතරම් දුරට දූෂිත වී ඇත්ද යන්න මනාව පැහැදිලි වන බව සෘජුවම අවධාරණය කරයි.