ඇමෙරිකානු ජනාධිපති ඩොනල්ඩ් ට්රම්ප් පරිපාලනය විසින් පිහිටුවන ලද ඩොලර් බිලියන 1.8කට ආසන්න අරමුදලක් වර්ජිනියා නැගෙනහිර දිස්ත්රික්කයේ එක්සත් ජනපද දිස්ත්රික් විනිසුරු ලියෝනි බ්රින්කෙමා මහත්මිය විසින් තාවකාලිකව තහනම් කර තිබේ.
මෙම අරමුදල පිහිටුවා තිබුණේ “දේශපාලන අවි ආයුධයක් ලෙස භාවිත කිරීම” (weaponization) හේතුවෙන් වින්දිතයන් වූ පුද්ගලයන් වෙත වන්දි ලබා දීම සඳහාය. මෙම නියෝගය මගින් අදාළ නීතිමය තර්ක තවදුරටත් විභාග කරන තෙක් මෙම අරමුදල ක්රියාත්මක කිරීම හෝ ඉදිරි පියවර ගැනීම අවම වශයෙන් ජුනි 12 වැනිදා දක්වා අත්හිටුවා ඇත.
ඩෙමොක්රසි ෆෝවර්ඩ් (Democracy Forward) වැනි සංවිධාන විසින් පවරන ලද නඩුවකට අනුව මෙම තීන්දුව ලබා දී ඇති අතර, ඔවුන් පවසන්නේ මෙය විනිවිදභාවය සහ නීතියේ ආධිපත්යය වෙනුවෙන් ලැබුණු ජයග්රහණයක් බවයි. කෙසේ වෙතත්, අදාළ අරමුදලේ නීත්යානුකූලභාවය පිළිබඳව තමන් දැඩි විශ්වාසයකින් පසුවන බව ඇමෙරිකානු අධිකරණ දෙපාර්තමේන්තුව ප්රකාශ කරයි.
