අමෙරිකාව, මෙක්සිකෝව සහ කැනඩාව අතර පවතින ත්රෛපාර්ශ්වික වෙළඳ ගිවිසුම (USMCA) යටතේ අල්ලස සහ දූෂණය පිටුදැකීම සඳහා ඉදිරියේදී “සැලකිය යුතු ක්රියාමාර්ග” ගන්නා බව මෙක්සිකෝවේ අමෙරිකානු තානාපති රොනල්ඩ් ජොන්සන් (Ronald Johnson) ප්රකාශ කර තිබේ.
USMCA ගිවිසුමට අනුව රාජ්ය නිලධාරීන්ගේ අල්ලස් ගැනීම් අපරාධයක් ලෙස සැලකීමට සහ පොදු නිලධාරීන් සඳහා ආචාර ධර්ම පද්ධතියක් බලාත්මක කිරීමට අදාළ රජයන් බැඳී සිටින බව තානාපතිවරයා අවධාරණය කළේය. මේ සම්බන්ධයෙන් ඉතා ඉක්මනින් ප්රබල පියවරයන් ක්රියාත්මක වනු ඇති බවට ඔහු ඉඟි පළ කර ඇත.
අමෙරිකානු රාජ්ය දෙපාර්තමේන්තුව විසින් මීට පෙර මෙක්සිකානු දේශපාලනඥයන් 50කට අධික පිරිසකගේ වීසා බලපත්ර අවලංගු කිරීමට පියවර ගෙන තිබුණි. එය අමෙරිකාවේ ජාතික අවශ්යතාවලට පටහැනි ක්රියාවල නිරත වීම හේතුවෙන් ගත් තීරණයක් බව එවකට ප්රකාශ විය. මෙම නවතම අනතුරු ඇඟවීමත් සමඟ දෙරට අතර දූෂණ විරෝධී වැඩපිළිවෙළ තවදුරටත් දැඩි වනු ඇතැයි අපේක්ෂා කෙරේ.
