පොළොන්නරුවේ සිට දෙහිඅත්තකණ්ඩිය දෙසට ධාවනය වෙමින් තිබූ වෑන් රථයක් වනඅලියෙකුගේ ගැටීමෙන් අද (01) අලුයම බඳනාගල ප්රදේශයේදී බිහිසුණු රිය අනතුරක් සිදුව තිබේ.
වන්දනා ගමනක් නිමවා නිවස බලා පැමිණෙමින් තිබියදී මෙම අනතුර සිදුව ඇති අතර, එයින් වෑන් රථයේ ගමන් ගත් 54 හැවිරිදි ආර්. බී. කරුණාවතී නැමැති දෙහිඅත්තකණ්ඩිය, නාගමුව ප්රදේශයේ පදිංචි කාන්තාවක් ජීවිතක්ෂයට පත්ව ඇත.
අනතුරින් තවත් 15 දෙනෙකු තුවාල ලබා ඇති අතර, ඔවුන් ප්රතිකාර සඳහා රෝහල්ගත කර තිබේ. සිරිපුර පොලිසිය සිද්ධිය සම්බන්ධයෙන් වැඩිදුර පරීක්ෂණ පවත්වයි.
