ජල සම්පාදන හා වතු යටිතල පහසුකම් අමාත්යාංශය ලේකම්වරයා වශයෙන් කටයුතු කළ වරුණ සමරදිවාකර මහතා උතුරු මැද පළාත් සභාවේ නව ප්රධාන ලේකම්වරයා වශයෙන් පළාත් සභා සංකීර්ණයේ ප්රධාන ලේකම් කාර්යාලයේදී (01) දින රාජකාරී ආරම්භ කළේය.
1998 වසරේ දී ශ්රී ලංකා පරිපාලන සේවයට එක් වූ වරුණ සමරදිවාකර මහතා කර්මාන්ත සංවර්ධන අමාත්යාංශයේ සහකර ලේකම්වරයා වශයෙන් තම සේවය ආරම්භ කළේය ඉන්පසුව වයඹ පළාත් සභාවේ මහාමාර්ග හා පරිසර අමාත්යාංශයේ සහකාර ලේකම්වරයා ලෙසත්, මධ්යම පළාත් සභාවේ සෞඛ්ය අමාත්යාංශය සහකාර ලේකම්වරයා ලෙසත්, කොබේයිගනේ ප්රාදේශීය ලේකම්වරයා ලෙසත්, කුරුණෑගල අතිරේක දිස්ත්රික් ලේකම්වරයා ලෙසත්, කුරුණෑගල මහනගර සභාවේ නාගරික කොමසාරිස්වරයාගේ ලෙසත් සේවය කළේය.
පසුව සංචාරක අමාත්යාංශයේ අතිරේක ලේකම්වරයා ලෙස පළාත් සභා සේවයට එක්වෙමින් මධ්යම පළාත් සභාවේ කර්මාන්ත අමාත්යංශයේ ලේකම්වරයා ලෙසත් සේවය කළේය.
පසුව පසු සම්පත් හා ගොවිපළ සංවර්ධන අමාත්යංශය ලේකම්වරයා ලෙස එක්වූ අතර, ජල සම්පාදන වතු යටිතල පහසුකම් අමාත්යාංශයේ ලේකම්වරයා වශයෙන් ද උතුරු මැද ප්රධාන ලේකම්වරයා වශයෙන් පත් වන තුරු සේවය කළේය.
ප්රධාන ලේකම්වරයා රාජකාරී ආරම්භ කරන අවස්ථාවට ප්රධාන අමාත්යාංශයේ ලේකම් අභය ලක්ෂ්මිය හේවාපතිරණ මෙනවිය, සෞඛ්ය අමාත්යාංශයේ ලේකම් කුමාරි ජයසේකර මහත්මිය, ඇතුළු පළාත් අමාත්යංශ ලේකම්වරුන්, නියෝජ්ය ප්රධාන ලේකම් පාලන වන්නිනායම මහතා ඇතුළු නියෝජ්ය ප්රධනෙ ලේකම්වරුන් හා පළාත්භා සභා මාණ්ඩලික නිළධාරීන් සහභාගි වූහ.
තිසර සමල් – අනුරාධපුර
