ශ්රී ලංකාවේ තොරතුරු තාක්ෂණ (IT) ක්ෂේත්රයට නව ප්රවේශයක් ලබා දෙමින් Vertex HD Distribution සමාගම සිය මෙහෙයුම් නිල වශයෙන් ආරම්භ කර තිබේ. පරිගණක උපාංග, දත්ත ගබඩා නිෂ්පාදන සහ බහුමාධ්ය තාක්ෂණ විසඳුම් සඳහා ලොව සුපතළ Verbatim, Marvo, Microlab, Bestoss සහ Synomax වැනි සන්නාම රැසක් මෙරට වෙළඳපොළට හඳුන්වා දීම මෙම සමාගමේ විශේෂත්වයකි. විශේෂයෙන්ම මෙරට තරුණ පරපුර, වෘත්තීය පරිශීලකයන් සහ පරිගණක ක්රීඩා (Gaming) ක්ෂේත්රයේ නියැලෙන්නන් ඉලක්ක කර ගනිමින් උසස් තත්ත්වයේ තාක්ෂණික අත්දැකීමක් ලබා දීම සමාගමේ මූලික අරමුණ වී ඇත.
මෙම නව ව්යාපාරික ව්යාපෘතියේ නායකත්වය IT ක්ෂේත්රයේ ප්රවීණයන් දෙපළක් විසින් දරනු ලබයි. ක්ෂේත්රයේ වසර 20කට වැඩි පළපුරුද්දක් ඇති රිස්ලි ඉර්ෂාද් මහතා ප්රධාන විධායක නිලධාරී (CEO) ලෙස කටයුතු කරන අතර, වසර 25කට වැඩි මෙහෙයුම් අත්දැකීම් සහිත ෆර්හාන් මුක්තාර් මහතා ප්රධාන මෙහෙයුම් නිලධාරී (COO) ලෙස කටයුතු කරයි. ගුණාත්මක නිෂ්පාදන සාධාරණ මිලකට ලබා දීම සහ විශිෂ්ට අලෙවියෙන් පසු සේවාවක් සැපයීම තුළින් ශ්රී ලංකාවේ ඩිජිටල් ජීවන රටාව සබල ගැන්වීමට Vertex HD Distribution සූදානම් බව කළමනාකාරීත්වය අවධාරණය කරයි.
