වියට්නාමය තම බලවත් අසල්වැසියා වන චීනය සමඟ ශක්තිමත් සබඳතා පවත්වා ගැනීම කලාපීය සාමය සහ ආරක්ෂාව සඳහා වාසිදායක බව වියට්නාමයේ ඉහළම නායකයා වන කොමියුනිස්ට් පක්ෂයේ මහලේකම් සහ ජනාධිපති ටෝ ලෑම් (To Lam) මහතා පවසයි. සිංගප්පූරුවේ පැවති ‘ෂැන්ග්රි-ලා’ (Shangri-la Dialogue) ආරක්ෂක සමුළුව අතරතුර රොයිටර් පුවත් සේවය වෙත අදහස් දක්වමින් ඔහු මේ බව සඳහන් කළේය.
ටෝ ලෑම් මහතා අවධාරණය කළේ වියට්නාමය කිසිදු පාර්ශ්වයක් තෝරා ගැනීමට (Pick sides) කටයුතු නොකරන බවත්, චීනය සමඟ ශක්තිමත් සබඳතා ගොඩනඟා ගැනීම සහ දකුණු චීන මුහුදේ (වියට්නාමයේ ව්යවහාරයේ ‘නැගෙනහිර මුහුද’) පවතින දේශසීමා ආරවුල් නිරාකරණය කර ගැනීම අතර කිසිදු ප්රතිවිරෝධතාවක් නොමැති බවත්ය. යහපත් සබඳතා සහ සංවාද පවත්වා ගතහොත් පවතින සියලුම මතභේද විසඳාගත හැකි බව ඔහු වැඩිදුරටත් කියා සිටියේය.
එසේම, දේශසීමා ආරවුල් ජාත්යන්තර නීතියට අනුව, විශේෂයෙන්ම එක්සත් ජාතීන්ගේ සමුද්ර නීතිය පිළිබඳ සම්මුතියට අනුව විසඳා ගැනීමට වියට්නාමය දරන ස්ථාවරය ඔහු නැවත තහවුරු කළේය. චීනය සමඟ පවතින සබඳතා සේම ඇමරිකා එක්සත් ජනපදය සමඟ පවතින සබඳතා ද වියට්නාමයට වැදගත් බවත්, මෙම සබඳතා එකිනෙකට පටහැනි නොවී අන්යෝන්ය වශයෙන් ශක්තිමත් වන බවත් ජනාධිපතිවරයා පැවසීය.
