ඉරාන ගැටුම හේතුවෙන් උද්ගතව ඇති ගෝලීය ඉන්ධන අර්බුදය ලබන මැයි මාසයෙන් පසුව සිය ගුවන් සේවයට දැඩි ලෙස බලපෑ හැකි බව Virgin Atlantic සමාගමේ ප්රධාන විධායක නිලධාරී කොර්නීල් කොස්ටර් (Corneel Koster) අනතුරු අඟවයි. හෝමුස් සමුද්ර සන්ධිය (Strait of Hormuz) අවහිර වීම නිසා ගෝලීය යානා ඉන්ධන සැපයුම් දාමයට එල්ල වී ඇති බාධා හේතුවෙන් ගුවන් සේවා ක්ෂේත්රය මේ වන විට දැඩි අර්බුදයකට මුහුණ දී සිටී.
මැයි මාසය අවසානය දක්වා ගුවන් යානා ඉන්ධන ලබා ගැනීම පිළිබඳව ගැටලුවක් නොමැති වුවද, ඉන් අනතුරුව පවතින තත්ත්වය පිළිබඳව නිශ්චිතව කිසිවක් ප්රකාශ කළ නොහැකි බව හෙතෙම සඳහන් කළේය. සිය ඉන්ධන අවශ්යතාවයෙන් සියයට 60ක් පමණ කලින් වෙන් කරවාගෙන (Hedge) තිබුණද, පවතින අවිනිශ්චිතතාවය හමුවේ බ්රිතාන්ය රජය සහ ලන්ඩන් හීත්රෝ (London Heathrow) ගුවන් තොටුපළ බලධාරීන් සමඟ අඛණ්ඩව සාකච්ඡා පවත්වන බව ඔහු වැඩිදුරටත් පැවසීය.
ඉන්ධන මිල යුදමය තත්ත්වයට පෙර පැවති මට්ටමට පැමිණීමට සහ සැපයුම් දාමයන් යථා තත්ත්වයට පත්වීමට සැලකිය යුතු කාලයක් ගතවනු ඇති බව කොස්ටර්ගේ මතයයි. ඉන්ධන පිරිවැය ඉහළ යාම හේතුවෙන් ඉන්ඩිගෝ (IndiGo) සහ එයාර් ඉන්දියා (Air India) වැනි අනෙකුත් ගුවන් සේවා ද සිය ගුවන් ටිකට්පත් මිල ඉහළ නැංවීමට දැනටමත් පියවර ගනිමින් සිටී.
