වාරියපොළ විවිධ සේවා සමුපකාර සමිතියේ නිලවරණය කල් දැමීමට එරෙහිව හිටපු පාර්ලිමේන්තු මන්ත්රී තුෂාර ඉඳුනිල් මහතා ඇතුළු ඒකාබද්ධ විපක්ෂය විසින් එම සමුපකාර ප්රධාන කාර්යාලය ඉදිරිපිටදී විරෝධතාවක් පවත්වනු ලැබීය. වත්මන් පාලනය පරාජයට බියෙන් නිලවරණය කල් දමා ඇති බව විරෝධතාකරුවන් චෝදනා කළහ.
මෙම චෝදනා ප්රතික්ෂේප කරමින් සමුපකාර සමිතියේ සභාපති ධර්මප්රිය බණ්ඩාර මහතා සඳහන් කළේ, මෙම නිලවරණය කල් දැමීම සිදුකර ඇත්තේ පළාත් සමුපකාර කොමසාරිස්වරයා විසින් බවයි. සාමාජික නාම ලේඛනයේ මියගිය අයගේ සහ ප්රදේශය හැර ගිය අයගේ නම් මෙන්ම දෝෂ සහගත තොරතුරු රාශියක් පවතින බවට ලැබුණු පැමිණිල්ලක් හේතුවෙන් අධිකරණය හමුවේ කරුණු තහවුරු වූ බවත්, නාම ලේඛනය යාවත්කාලීන කිරීමකින් තොරව නිලවරණය පැවැත්වීම කළ නොහැකි බවත් ඔහු පැවසීය. නාම ලේඛනවල මියගිය පුද්ගලයන් 15,000ත් 20,000ත් අතර ප්රමාණයක් සිටින බවත්, එම වැරදි නිවැරදි කර කඩිනමින් නිලවරණය පැවැත්වීමට කටයුතු කරන බවත් සභාපතිවරයා වැඩිදුරටත් කියා සිටියේය.
මේ අතර, විරෝධතාවට එක් වූ හිටපු මන්ත්රී තුෂාර ඉඳුනිල් මහතා ප්රකාශ කළේ, තමන් ඉදිරිපත් කළ සාමාජික ලේඛන වැරදි බව සභාපතිවරයාම අධිකරණයේදී පිළිගෙන ඇති බවත්, මාලිමා පාලනය පරාජයට බියෙන් මෙලෙස නිලවරණය කල් දමා ඇති බවත්ය.
