ජාතික පශු සම්පත් සංවර්ධන මණ්ඩලයට අයත් වැලිසර කිරි සැකසුම් මධ්යස්ථානය නවීන තාක්ෂණය යොදාගනිමින් සංවර්ධනය කිරීමට රජය තීරණය කර ඇත. විද්යා හා තාක්ෂණ අමාත්ය මහාචාර්ය ක්රිෂාන්ත අබේසේන මහතාගේ ප්රධානත්වයෙන් පැවැති විශේෂ සාකච්ඡාවකදී මෙම මධ්යස්ථානයේ නිෂ්පාදන කටයුතු පුළුල් කිරීම සහ දැනට භාවිතයට නොගෙන පවතින භූමි ප්රමාණය ඵලදායී ලෙස ප්රයෝජනයට ගැනීම පිළිබඳව අවධානය යොමු විය. අතීතයේ සාර්ථකව ක්රියාත්මක වූ මෙම පරිශ්රය පසුකාලීනව අවධානයට ලක් නොවීම හේතුවෙන් පරිහානියට පත්ව තිබූ අතර, නව වැඩපිළිවෙළ යටතේ එය යළිත් ඉහළ නිෂ්පාදන ධාරිතාවකින් යුත් මධ්යස්ථානයක් බවට පත්කිරීමට නියමිතය.
පාරිභෝගික විශ්වාසය දිනා ඇති ජාතික පශු සම්පත් සංවර්ධන මණ්ඩලයේ දෛනික කිරි නිෂ්පාදනය මේ වන විට ලීටර් 9,000 සිට 19,000 දක්වා ඉහළ නැංවීමට සමත්ව ඇති අතර වැලිසර මධ්යස්ථානය නවීකරණය කිරීම හරහා එය තවදුරටත් වර්ධනය කිරීමට අපේක්ෂිතය. විද්යා හා තාක්ෂණ අමාත්යාංශයේ සහ වත්තල ප්රාදේශීය සභාවේ පූර්ණ සහාය ඇතිව ක්රියාත්මක වන මෙම ව්යාපෘතිය හරහා ගුණාත්මක කිරි සහ කිරි ආශ්රිත නිෂ්පාදන පාරිභෝගිකයින් වෙත සමීප කිරීමට කටයුතු කෙරේ. මෙම අවස්ථාවට ජාතික පශු සම්පත් සංවර්ධන මණ්ඩලයේ සභාපති වෛද්ය බී.සී.එස්. පෙරේරා මහතා ඇතුළු නිලධාරීන් පිරිසක් එක්ව සිටියහ.
