කාලගුණ විද්යා දෙපාර්තමේන්තුව විසින් දිවයින අවට මුහුදු ප්රදේශ සඳහා රළු මුහුදු තත්ත්වයක් පිළිබඳව නවතම අනතුරු ඇඟවීමේ නිවේදනයක් නිකුත් කර තිබේ.
කන්කසන්තුරය සිට මන්නාරම හරහා කල්පිටිය දක්වා වන මුහුදු ප්රදේශවලට යාත්රා නොකරන ලෙස නාවික සහ ධීවර ප්රජාවට දන්වා ඇත. මෙම මුහුදු ප්රදේශ ඉතා රළු විය හැකි අතර, ඉදිරි දැනුම්දීමක් ලැබෙන තුරු මෙම අනතුරු ඇඟවීම බලපැවැත්වේ.
සුළං නිරිත දෙසින් හමා එන අතර සාමාන්ය සුළං වේගය පැයට කි.මී. 30-40ක් පමණ වේ. කන්කසන්තුරය සිට මන්නාරම හරහා කල්පිටිය දක්වා වන මුහුදු ප්රදේශවල සුළං වේගය විටින් විට පැයට කි.මී. 60-70 දක්වා ඉහළ යා හැක. ත්රිකුණාමලයේ සිට මුලතිව් හරහා කන්කසන්තුරය දක්වාත්, කල්පිටියේ සිට කොළඹ, ගාල්ල සහ හම්බන්තොට හරහා පොතුවිල් දක්වාත් වන මුහුදු ප්රදේශවල සුළං වේගය පැයට කි.මී. 50-60 දක්වා ඉහළ යා හැක.
ඉහත සඳහන් කළ මුහුදු ප්රදේශ විටින් විට රළු විය හැකි අතර, දිවයින අවට සෙසු මුහුදු ප්රදේශ විටින් විට තරමක් රළු විය හැක. මන්නාරම සිට කොළඹ, ගාල්ල සහ හම්බන්තොට හරහා පොතුවිල් දක්වා වන මුහුදු ප්රදේශවල රළ උස මීටර් 2.0 – 2.5ක් පමණ දක්වා ඉහළ යා හැක.
ගිගුරුම් සහිත වැසි ඇති වන අවස්ථාවලදී තාවකාලිකව තද සුළං ඇති විය හැකි අතර මුහුදු ප්රදේශ තවදුරටත් රළු විය හැකි බව දෙපාර්තමේන්තුව වැඩිදුරටත් අවධාරණය කරයි. මේ සම්බන්ධයෙන් නිකුත් කරන නවතම නිවේදන පිළිබඳව නිරන්තර අවධානයෙන් පසුවන ලෙස බලධාරීන් ඉල්ලා සිටී.
