‘Rebuilding Sri Lanka’ අරමුදල සම්බන්ධයෙන් මුදල් කාරක සභාව තුළ මතුව ඇති වැරදි අවබෝධය පිළිබඳව පාර්ලිමේන්තුවේදී අදහස් දක්වමින් ප්රවාහන, මහාමාර්ග සහ නාගරික සංවර්ධන අමාත්ය සහ සභානායක බිමල් රත්නායක මහතා දැඩි ප්රකාශයක් සිදු කළේය.
ඕනෑම ආණ්ඩුවක් යටතේ ප්රායෝගිකව සිදු කෙරෙන ඇතැම් කටයුතු නීතිමය වශයෙන් විවිධ ආකාරයෙන් සංවිධානය වී තිබිය හැකි බවත්, තමන් දරන අරමුදල් සම්බන්ධයෙන් කිසිදු වංචාවක් හෝ දූෂණයක් සිදු වී නොමැති බවත් අමාත්යවරයා අවධාරණය කළේය.
මෙහිදී බිමල් රත්නායක මහතා රාජපක්ෂ පාලන සමයේ සුනාමි සහනාධාර අරමුදල් සම්බන්ධයෙන් එල්ල වූ චෝදනා සිහිපත් කරමින් ප්රකාශ කළේ, තමන් එවැනි “සුනාමි හොරුන්” නොවන බවත්, රජයේ මූල්ය කටයුතු විනිවිදභාවයකින් යුතුව පවත්වාගෙන යන බවත්ය. මුදල් කාරක සභාවේ මතු වූ ගැටලු නීතිමය හා ප්රායෝගික කරුණු පිළිබඳව පවතින නොදන්නාකම මත පදනම් වූවක් බවත්, ඒවා පැහැදිලි කිරීමට තමන් සූදානම් බවත් අමාත්යවරයා වැඩිදුරටත් සඳහන් කළේය.
