වැල්ලවාය සහ ඒ අවට ප්රදේශවලට ඊයේ (10) පස්වරුවේ ඇද හැලුණු ධාරානිපාත වර්ෂාපතනය හේතුවෙන් නිවාස 10ක් පමණ ජලයෙන් යටවී ඇති බව වාර්තා වේ. විශේෂයෙන් සෝමියල් හංදිය, තෙලුල්ල සහ වෙහෙරයාය යන ප්රදේශවල නිවාස මෙලෙස ජලයෙන් යටවී ඇති අතර, හදිසියේ ජලය ගලා ඒම හේතුවෙන් එම නිවෙස්වල තිබූ ගෘහ භාණ්ඩ රැසකට ද දැඩි හානි සිදුව තිබේ.
අද (11) උදෑසන වන විට එම ප්රදේශවල ජලය බැසගොස් ඇති බව වාර්තා වුවද, පවතින අස්ථාවර කාලගුණික තත්ත්වය හමුවේ පහත්බිම්වල වෙසෙන ජනතාව තවදුරටත් විමසිලිමත් විය යුතු බව බලධාරීන් දැනුම් දෙයි. ආපදා තත්ත්වයට පත් පවුල් සඳහා අවශ්ය සහන සැලසීමට ප්රාදේශීය ලේකම් කාර්යාලය සහ ආපදා කළමනාකරණ මධ්යස්ථානය පියවර ගනිමින් සිටී.
