ශ්රී ලංකාව සහ බටහිර ඉන්දීය කොදෙව් කණ්ඩායම අතර ඇන්ටිගුවා හි පැවැති දෙවැනි ටෙස්ට් ක්රිකට් තරගයේදී නියමිත කාලය තුළ පන්දුවාර සංඛ්යාව යොමු කිරීමට අපොහොසත් වීම හේතුවෙන් කොදෙව් කණ්ඩායමට තරග ගාස්තුවෙන් 10%ක දඩයක් පනවා තිබේ. මීට අමතරව, අයි.සී.සී. ලෝක ටෙස්ට් ශූරතාවලියේ (WTC) ඔවුන් ලබා සිටි ප්රසාද ලකුණු සංඛ්යාවෙන් ලකුණු 2ක් කපා හැරීමට ද ජාත්යන්තර ක්රිකට් කවුන්සිලය තීරණය කර ඇත.
මෙම තරගයේ තරග තීරකවරයා ලෙස කටයුතු කළ ජවගල් ශ්රීනාත් මහතා වාර්තා කර ඇති පරිදි, කොදෙව් කණ්ඩායම නියමිත කාලය තුළ පන්දුවාර 2ක් අඩුවෙන් යොමු කර තිබේ. අයි.සී.සී. නීතිවලට අනුව ප්රමාද වන සෑම පන්දුවාරයක් සඳහාම තරග ගාස්තුවෙන් 5%ක දඩයක් සහ ලෝක ටෙස්ට් ශූරතා ප්රසාද ලකුණු සටහනෙන් 1 ලකුණ බැගින් කපා හැරේ. කොදෙව් නායක රොස්ටන් චේස් විසින් අදාළ වරද පිළිගෙන ඇති බැවින් මේ පිළිබඳව ඉදිරි පරීක්ෂණ පවත්වන්නේ නැත.
