ලෝක කෘත්රිම බුද්ධි සහයෝගිතා සංවිධානය (World AI Cooperation Organization) පිහිටුවීම සඳහා රටවල් 29ක් ගිවිසුම්ගත වී තිබේ. ඊයේ (16) ශංහයි නුවරදී මෙම ගිවිසුමට අත්සන් තැබුණු අතර, ශංහයි නගරය මූලස්ථානය කරගනිමින් මෙය ස්වාධීන අන්තර් රාජ්ය ජාත්යන්තර සංවිධානයක් ලෙස ක්රියාත්මක වනු ඇත.
චීන විදේශ අමාත්ය වංයී මහතා ඇතුළු රටවල් 29ක නියෝජිතයින් විසින් මෙම ගිවිසුමට අත්සන් තැබූ අතර, එක්සත් ජාතීන්ගේ මහලේකම් ඇන්ටෝනියෝ ගුටරෙස් මහතාද මෙම අවස්ථාවට එක්විය. කසක්ස්ථානය, ලාඕසය, පාකිස්තානය, රුසියාව සහ ඉන්දුනීසියාව මෙම සංවිධානයේ ආරම්භක සාමාජික රටවල් වේ.
කෘත්රිම බුද්ධිය පිළිබඳ ජාත්යන්තර සහයෝගීතාව සහ ගෝලීය පාලනය ප්රවර්ධනය කිරීම මෙම සංවිධානයේ මූලික අරමුණයි. එසේම, මානව වර්ගයාගේ යහපත උදෙසා කෘත්රිම බුද්ධිය ආරක්ෂිතව සහ සාධාරණව සංවර්ධනය කිරීම වෙනුවෙන් ජනතා කේන්ද්රීය ප්රවේශයක් අනුගමනය කිරීමට මෙමගින් අපේක්ෂා කෙරේ.
