පුද්ගලික බැංකුවක නිල වෙබ් අඩවියට සමාන අයුරින් ව්යාජ වෙබ් අඩවියක් (Phishing site) සකස් කර, පාරිභෝගිකයෙකුගෙන් රුපියල් 1,000,024ක මුදලක් වංචා කිරීමේ සිද්ධියක් සම්බන්ධයෙන් සැකකරුවෙකු අත්අඩංගුවට ගෙන තිබේ.
පරිගණක අපරාධ විමර්ශන අංශයේ වයඹ පළාත් ඒකකයට ලැබුණු පැමිණිල්ලකට අනුව සිදුකළ විමර්ශනයකදී ඊයේ (20) මෙම සැකකරු අත්අඩංගුවට ගෙන ඇත. අත්අඩංගුවට ගත් සැකකරු මිනුවන්ගොඩ ප්රදේශයේ පදිංචි 22 හැවිරිදි තරුණයෙකි. ඔහුව වාරියපොල පොලිස් ස්ථානය වෙත ඉදිරිපත් කර ඇති අතර, අද (21) කුරුණෑගල මහේස්ත්රාත් අධිකරණයට ඉදිරිපත් කිරීමට නියමිතව තිබුණි.
පරිගණක අපරාධ විමර්ශන අංශය මේ පිළිබඳව වැඩිදුර විමර්ශන සිදුකරන අතර, අන්තර්ජාලය හරහා බැංකු ගනුදෙනු කිරීමේදී බැංකුවේ නිල වෙබ් අඩවිය පිළිබඳව දැඩි ලෙස සැලකිලිමත් වන ලෙස පොලිසිය මහජනතාවගෙන් ඉල්ලා සිටියි.
