ජාතික යොවුන් සේනාංකය විසින් වාර්ෂිකව සංවිධානය කරනු ලබන “Youth Spirit Sports Festival – 2026” ජාතික ක්රීඩා උළෙලේ අවසන් මහා තරග සහ සම්මාන ප්රදානෝත්සවය දිවුලපිටිය ජාතික යොවුන් සේනාංක පුහුණු මධ්යස්ථානයේදී ඉතා උත්කර්ෂවත් අයුරින් පැවැත්විණි.
දිවයින පුරා විසිරී සිටින තරුණ තරුණියන්ගේ ක්රීඩා කුසලතා ජාතික තලයට ඔසවා තැබීමේ අරමුණින් පැවැත්වූ මෙම තරගාවලියට දුනු විදීම, වායු රයිෆල්, නෙට්බෝල්, කබඩි සහ වොලිබෝල් වැනි ඉසව් රැසක් ඇතුළත් විය. ජයග්රාහකයින් සඳහා කුසලාන සහ සහතිකපත් පිරිනැමීම මෙන්ම, ක්රීඩාව වෙනුවෙන් කැපවූ පුහුණු උපදේශකවරුන් ඇගයීම ද මෙහිදී සිදු කෙරිණි.
මෙවර ක්රීඩා උළෙලේ ප්රතිඵලවලට අනුව වයඹ පළාත සමස්ත පළාත් ශූරතාවයත්, උතුරු පළාත සමස්ත පළාත් අනුශූරතාවයත් හිමිකර ගත්තේය. පිරිමි වොලිබෝල් ශූරතාවය වයඹ පළාත විසින් දිනාගත් අතර එහි අනුශූරතාවය උතුරු පළාතට හිමි විය. කාන්තා වොලිබෝල් ශූරතාවය සබරගමුව පළාත විසින් දිනාගනු ලැබූ අතර මධ්යම පළාත එහි අනුශූරතාවය දිනා ගත්තේය. නෙට්බෝල් ශූරතාවය ඌව පළාත විසින් හිමිකරගත් අතර එහි අනුශූරතාවය වයඹ පළාතට හිමි විය.
මෙම අවස්ථාව සඳහා තරුණ කටයුතු සහ ක්රීඩා අමාත්ය සුනිල් කුමාර ගමගේ මහතා, තරුණ කටයුතු නියෝජ්ය අමාත්ය දිනිඳු සමන් හෙන්නායක මහතා ඇතුළු රාජ්ය නිලධාරීන්, පළාත් අධ්යක්ෂවරුන්, ආයතන ප්රධානීන් සහ සම්භාවනීය අමුත්තන් රැසක් එක්ව සිටියහ.
