යුක්රේන ජනාධිපති වොලොඩිමීර් සෙලෙන්ස්කි මහතා පවසන්නේ, ප්රංශයේ පැවති G7 සමුළුවේදී රුසියාව යුද්ධය ජයග්රහණය නොකරන බවට නායකයන් එකඟතාවකට පැමිණි බවයි. මොස්කව් පාලනය සාම සාකච්ඡා සඳහා යොමු කර ගැනීමේ අරමුණින් රුසියාවට එරෙහිව පැනවිය හැකි තවත් අමතර සම්බාධක පිළිබඳව මෙහිදී සාකච්ඡා කර තිබේ.
ලන්ඩනයේ පැවති ‘රොයිටර්ස් නෙක්ස්ට් යුරෝප්’ (Reuters NEXT Europe) සමුළුව අමතමින් ජනාධිපතිවරයා සඳහන් කළේ, ඉදිරි ශීත සෘතුවට පෙර සාම ගිවිසුමකට එළඹීමට නොහැකි වුවහොත්, රුසියාවේ බලශක්ති යටිතල පහසුකම් ඉලක්ක කර ගනිමින් යුක්රේනය සිදුකරන ප්රහාර හමුවේ රුසියාවට ඉතා අපහසු ශීත සෘතුවකට මුහුණ දීමට සිදුවනු ඇති බවයි.
