සංචාරක වීසා මගින් ශ්රමිකයින් ඩුබායි රාජ්යයේ රැකියා සදහා යොමුකළ පුද්ගලයෙකු අත්අඩංගුවට ගෙන ඇති බව ශ්රි ලංකා විදේශ සේවා නියුක්ති කාර්යාංශයේ විශේෂ විමර්ශන ඒකකය පවසයි.
එම ඒකකය පැවසුවේ ඩුබායි රැකියාවක් සදහා අදාල සැකකරුට රු.180,000.00 ක මුදලක් ලබාදී සංචාරක වීසා මගින් එරටට ගිය පසු පොරොන්දු වූ පරිදි රැකියාව හිමි නොවූ බවට පුද්ගලයෙකු විසින් කාර්යාංශයට සිදුකළ පැමිණිල්ලක් අනුව මෙම විමර්ශනය මෙහෙය වු බවයි.
ඒ අනුව වැල්ලම්පිටිය ප්රදේශයේ පදිංචි එම්.සෙන්තිකුමාර් නම් සැකකරු අත්අඩංගුවට ගෙන ඇති අතර, ඔහුගේ නිවස පරික්ෂා කිරීමේදී අන් සතු ගමන් බලපත්ර 13ක් හා විදේශ රැකියා සදහා අවශ්ය ලේඛන රැසක් විමර්ශන නිළධාරීන් භාරයට ගෙන තිබේ.
අත්අඩංගුවට ගත් සැකකරු පසුගිය 30 වන දින කොළඹ මහේස්ත්රාත් අධිකරණය වෙත ඉදිරිපත් කිරීමෙන් අනතුරුව රුපියල් ලක්ෂ 5ක පුද්ගල ඇප දෙකක් මත මුදාහරින ලදී. වැඩිදුර නඩු විභාගය ඔක්තෝම්බර් 05 දින පැවැත්වීමට නියමිතය.
