අම්පාර, ඓතිහාසික දීඝවාපි පුදබිමේ සහ ලාහුගල පිහිටි නීලගිරි මහා සෑයේ සිදුකෙරෙන ප්රතිසංස්කරණ කටයුතුවල ප්රගතිය පිළිබඳව අධීක්ෂණය සඳහා දීඝවාපි චෛත්ය ප්රතිසංස්කරණය කිරීමේ භාරකාර මණ්ඩලයේ භාරකතෘ සහ පළමුවන භාරකරු “දීඝවාපිය අරුණභාරය” වන ආරක්ෂක ලේකම්, ජෙනරල් කමල් ගුණරත්න, ඊයේ (20) නිරීක්ෂණ චාරිකාවක නිරත විය.
දීඝවාපි ස්ථුපය සහ නීලගිරි මහා සෑය පුදබිම් ආශ්රිත ප්රතිසංස්කරණ කටයුතුවල වත්මන් ප්රගතිය සමාලෝචනය, එම ඉදිකිරීම් කඩිනම් මෙන්ම ඵලදායි අයුරින් සිදුකිරීම සඳහා ව්යාපෘති නිලධාරීන් වෙත තාක්ෂණික උපදෙස් ලබාදීම, දැනට පවතින ගැටළු පිළිබඳව සාකච්ඡා කිරීම සහ ඉදිරි වැඩ කටයුතු සිදුකරන ආකාරය පිළිබඳව මෙහිදී අවධානය යොමුකරන ලදි.
මෙම අවස්ථාවට යුද හමුදාපති ලුතිනන් ජෙනරල් විකුම් ලියනගේ, ගුවන් හමුදාපති එයාර් මාර්ෂල් උදේනි රාජපක්ෂ, නැගෙනහිර ආරක්ෂක සේනා ආඥාපති මේජර් ජෙනරල් ප්රසන්න ගුණරත්න, ආරක්ෂක අමාත්යාංශයේ හමුදා සම්බන්ධතා නිලධාරී මේජර් ජෙනරල් ධම්මික වෙලගෙදර, නැගෙනහිර නාවික විධානය භාර ආඥාපති රියර් අද්මිරාල් මහේෂ් ද සිල්වා, පුරාවිද්යා දෙපාර්තමේන්තුවේ වාස්තු විද්යාත්මක සංරක්ෂණ අධ්යක්ෂ, වාස්තු විද්යාඥ ප්රසන්න බි. රත්නායක මහතා, කර්නල් මොහාන් කුමාර් සහ තාක්ෂණික කමිටුවේ විද්වත් සාමාජිකයින් කිහිප දෙනෙකු ඇතුළු නිලධාරීන් පිරිසක් ද සහභාගී විය.
