හිටපු ජනපති, විපක්ෂනායක මහින්ද රාජපක්ෂ මහතා තවදුරටත් එක්සත් ජනතා නිදහස් සන්ධානයේ මන්ත්රීවරයෙක් ලෙස කටයුතු කරන බව ශ්රි ලංකා නිදහස් පක්ෂය කථානායක කරු ජයසූරිය මහතාට ලිපියක් මගින් දන්වා යැවීමට තීරණය කර තිබේ.
සන්ධානයේ නායක ජනාධිපති මෛත්රීපාල සිරිසේන මහතාගේ උපදෙස් මත සන්ධාන මහ ලේකම් මහින්ද අමරවීර මහතා විසින් මෙම ලිපිය හෙට බාර දීමට නියමිතය.
මහින්ද රාජපක්ෂ මහතා මේ වන විට ශ්රි ලංකා පොදුජන පෙරමුණේ සාමාජිකත්වය ලබාගෙන ඇති හෙයින් ඔහුගේ මන්ත්රීධුරය ගැටලුකාරී තත්ත්වයකට පත්ව ඇති බවත් ඒ අනුව ඔහුට විපක්ෂනායක ධූරය දැරිමට අවස්ථාවක් නොමැති බවත් එක්සත් ජාතික පක්ෂය විසින් පාර්ලිමේන්තුවේදී ප්රකාශ කර තිබිණි.
කෙසේ වෙතත් අදාල මන්ත්රීවරයා පත් වූ පක්ෂය විසින් ඔහුව එම මන්ත්රීධූරයෙන් ඉවත් කළ බවට කතානායකවරයාට දැන්වීමෙන් පසු මන්ත්රීවරයෙකුගේ මන්ත්රීධූරය අහෝසි වේ.
