රිෂාඞ් බදියුදින් අමාත්යවරයාට එරෙහිව විශ්වාසභංග යෝජනාවක් ඉදිරිපත් කිරීම සම්බන්ධයෙන් බැසිල් රාජපක්ෂ මහතා විරුද්ධත්වය පල කළ බවට ප්රචාරය වන අදහසෙහි කිසිදු සත්යතාවක් නොමැති බව ශ්රී ලංකා පොදුජන පෙරමුණ පවසයි.
එම පක්ෂයේ මාධ්ය ප්රකාශ සංජීව එදිරිමාන්න මහතා විසින් නිවේදනයක් නිකුත් කරමින් සඳහන් කර සිටියේ අද (14) පෙරවරුවේ පැවැති ඒකාබද්ධ විපක්ෂයේ පක්ෂ නායක රැස්වීමේ දී ඉහත කාරණාව සම්බන්ධයෙන් කරුණු සාකච්ඡාවට ගෙන ඇති නමුත් එහි දී රිෂාඞ් බදියුදින් අමාත්යවරයාට එරෙහිව විශ්වාසභංග යෝජනාවක් ඉදිරිපත් කිරීම සම්බන්ධයෙන් බැසිල් රාජපක්ෂ මහතා වාචිකව හෝ ඉගියකින් හෝ කිසිදු ආකාරයක විරුද්ධත්වයක් ප්රකාශ කර නොමැති බවයි.
එබැවින් බැසිල් රාජපක්ෂ මහතා විසින් විශ්වාසභංග යෝජනාවට විරුද්ධත්වය පල කළ බවට පැතිර යන අසත්ය ප්රකාශය ශ්රී ලංකා පොදුජන පෙරමුණ තරයේ ප්රතික්ෂේප කරන බව එම නිවේදනයේ වැඩිදුරටත් සඳහන් කර තිබේ.
