විපක්ෂයේ සිටින ගම්පහ සහ කළුතර යන ප්ර‘දේශ නියෝජනය කරන දේශපාලඥයන් දෙදෙනෙකු ඇමති ධුර, වරදාන සහ වරප්රසාදවලට ආණ්ඩුවට එක්වීමට සූදානම් වන බවත් ඔවුන්ට ඩොලර්වලින් ගෙවීම් කරන බවට දැනගන්න ලැබී තිබෙන බවත් සමගි ජන බලවේගයේ පාර්ලිමේන්තු මන්ත්රී හර්ෂණ රාජකරුණා මහතා පැවසීය.
කොළඹ විපක්ෂනායක කාර්යාලයේ ඊයේ (08දා) පැවති මාධ්ය හමුවකට එක්වෙමින් හෙතෙම මේ බව සඳහන් කළේය.
එහිදී වැඩිදුරටත් පාර්ලිමේන්තු මන්ත්රී හර්ෂණ රාජකරුණා මහතා මෙලෙස අදහස් දක්වා සිටියේය.
&ඉදිරි සති දෙක ඇතුළත විශාල පිරිසක් තවත් සමගි ජන බලවේගය සමග එකතු වෙන්න නියමිතව තිබෙනවා. මම මේ වෙලාවේ කියනවා මේ එකතු වෙන්නේ විපක්ෂයට. තනතුරු සියල්ලම අතහැරලා විපක්ෂයට ඇවිත්, විපක්ෂයේ සන්ධානය ශක්තිමත් කරන්න ඒ අය සම්බන්ධ වෙලා තිබෙනවා. ඒත් එක්කෙනෙක් දෙන්නෙක් ගැන කතා වෙනවා මේ විපක්ෂයේ ඉඳන් ඇමතිකම් නිසා, මුදල් ගනුදෙනු නිසා, වෙනත් වරප්රසාද, ප්රතිලාභ නිසා ආණ්ඩුවට එකතුවෙන්න යන. එක්කෙනයි දෙන්නයි. වැඩිය නෑ. එක්කෙනෙක් ගම්පහින් කියනවා, අනිත් කෙනා කළුතරින් කියනවා.
පැහැදිලිව කියනවා එහෙම යන සියලුදෙනාටම දේශපාලන සියදිවි නසා ගැනීමක් තමයි සිදු වෙන්නේ. ඒ නිසා අපි ඉල්ලීමක් කරනවා මේ සියලුමදෙනාගෙන්. අද මේ රටේ ජනතාව බලාගෙන ඉන්නවා කවුද මේ දේශපාලක ගණිකාවෝ කියලා. අපිට දැන් ආරංචි වෙලා තියෙනවා දැන් රුපියල්වලින් නෙවෙයි, ඩොලර්වලින් ගෙවන්නේ කියලා. දැවැන්ත මුදල් ප්රමාණයක් මේ වන විට ගනුදෙනු කරන්න උත්සාහයක යනවා. ආණ්ඩුවට එකතු වෙන සියලුදෙනා මේ වරප්රසාද උදෙසා තමයි මේ දේශපාලන ගණිකාවන් ලෙස හැසිරෙන්නේ. මෙහෙම යන අයට පාර්ලිමේන්තු මැතිවරණයේදී ජනතාව උත්තර දෙයි.*
coppied-
