ජනතා කේන්ද්රීය ආර්ථිකයක් නිර්මාණය කොට දිළිඳු බව තුරන් කිරීම සිය අරමුණ බව ජනාධිපති ගෝඨාභය රාජපක්ෂ මහතා පවසයි.
ජනාධිපතිවරයා මේ බව පැවසුවේ අද (20) පෙරවරුවේ අරලියගහ මන්දිරයේ පැවති සමස්ත ලංකා සමෘද්ධි සංවර්ධන හා කෘෂිකර්ම පර්යේෂණ නිෂ්පාදන සහකාර නිලධාරී සංගමයේ 22 වන ජාතික මහා සම්මේලනය අමතමිනි.
එම සම්මේලනය “සමෘද්ධි, කෘෂි අයිතීන් තහවුරු වන පොදු ජන යුගයක්” මැයෙන් එය සංවිධාන කර තිබිණ.
මෙම සම්මේලනයේදී සමෘද්ධි සහ කෘෂි නිලධාරීන් 176 දෙනෙකුට ස්ථීර පත්වීම් ප්රදානය කරනු ලැබීය. පසුගිය වසර පහේදී ස්ථීර පත්වීම් නොලද සමෘද්ධි නවක පත්වීම්ලාභීන් ස්ථීර කිරීමේ වැඩපිළිවෙළ යටතේ පත්විම් ප්රදානය කෙරිණ.
අපේ රාජ්ය සේවකයින් සංඛ්යාව ලක්ෂ 15ක් බවත් ඔවුන්ගේ අයිතිවාසිකම් සහ වරප්රසාද සඳහා වැය කරන්නේ මහජන මුදල් වන අතර එය විධිමත් අයුරින් රාජ්ය ආදායම මහා භාණ්ඩාගාරයට ලැබෙන්නේනම් සියලු අංශවල වරප්රසාද සහ අයිතීන් සහතික කරන්න පුළුවන් බව ජනාධිපතිවරයා කියා සිටියේය. එසේම රජයක් ලෙස සියලු රාජ්ය සේවකයන්ගේ අයිතිවාසිකම් දීනා දීමට සූදානම් අතර රාජ්ය සේවකයන් සිය වගකීම රට වෙනුවෙන් ඉටු කළ යුතු බව ජනාධිපතිවරයා අවධාරණය කළේය.
ජන ජීවිතය පහසුකිරීමේ ප්රයත්නයට හවුල්වීම රාජ්ය නිලධාරීන්ගේ වගකීමක් වන අතර සිය දැනුම ඝෘජුවම රාජ්ය පාලනයට සම්බන්ධ කර ගනිමින් ජනතාවගේ ජීවන තත්ත්වය සහ රටේ ආර්ථිකය දියුණු කළ හැකි ප්රායෝගික යෝජනා ඉදිරිපත් කරන්නැයි ජනාධිපතිවරයා රාජ්ය සේවකයන්ගෙන් ඉල්ලීමක් කළේය.
කෘෂි ක්ෂේත්රයේ දෙවන පරපුරක් බිහි නොවීම ගැටලුවක්. යටිතල පහසුකම් සංවර්ධනය නොවීම සහ නිසි වෙළෙඳ පොළක් නොතිබීම, වෙළෙඳපොළ ඒකාධිකාරිය හා පවතින පහසුකම් නිසි අයුරින් කළමනාකරණය නොවීම ඊට බලපා තිබෙනවා. ක්ෂේත්රයේ ගැටලුවලට විසදුම් දෙමින් කෘෂිකර්මාන්තය නගා සිටුවීම කඩිනම් කළ යුතු යැයි ජනාධිපතිවරයා පැහැදිළි කළේය.
විවිධ නීති රීති සහ තහංචි නිසා ජනතාව පීඩාවට පත්ව සිටිති. එවැනි නීති ලිහිල් කරමින් ජන ජීවිතය පහසු කිරීම රාජ්ය සේවකයන්ගේ වගකීම යැයි ද ජනාධිපතිවරයා පැවසීය.
පසුගිය රජයේ වැරදි හෝ අතපසුවීම් වර්තමාන රජයේ නිදහසට හේතුවක් කර නොගන්නා අතර අදුරදර්ශී පාලනය නිසා රටට මුහුණදීමට සිදුව ඇති සියලු අභියෝග ජය ගැනීමට සුදානම් බවත් සියලු රාජ්ය සේවකයන්ගේ ශක්තිය ඒ සඳහා රජයට අවශ්ය බව ජනාධිපතිවරයා වැඩිදුරටත් කියා සිටියේය.
එස්. මහානාම, අශෝක අලවත්ත අමාත්යාංශ ලේකම්වරු , සමෘද්ධි අධ්යක්ෂ ජනරාල්, සමෘධි මහා සංගමයේ ලේකම් ජගත් කුමාර සුමිත්රආරච්චි මහතා සහ සමස්ත ලංකා සමෘද්ධි සංවර්ධන හා කෘෂිකර්ම පර්යේෂණ නිෂ්පාදන සහකාර නිලධාරී සංගමයේ සාමාජිකයෝ හමුවට එක්ව සිටියහ.
දිලිනි සමන්මලි
