කෑගල්ල, ගොඩපොල ප්‍රදේශයේ දී කාන්තාවකට, ගැහැණු ළමයෙකු සහ පිරිමි ලමයෙකු ඇසිඩ් ප්‍රහාරයක් එල්ල කර එම පුද්ගලයා ද ඇසිඩ් පානය කිරීමක් සම්බන්ධයෙන් කෑගල්ල පොලිසියට ලද තොරතුරක් මත විමර්ශන ආරම්භ කර තිබේ.

පොලිසිය පැවසුවේ ඇසිඩ් පානය කල පුද්ගලයා සහ කාන්තාව සහ දරුවන් දෙදෙනා කෑගල්ල රෝහල් ඇතුළත් කිරීමෙන් පසු ඇසිඩ් පානය කල පුද්ගලයා මිය ගොස් ඇති බවයි. මිය ගිය පුද්ගලයා වයස අවුරුදු 42 ක් වු කනංගරපුර, කොටියාකුඹුර ලිපිනයේ පදිංචි විජිත රුවන් වික්‍රමපාල යන අය වේ.

මිය ගිය පුද්ගලයා ඇසිඩ් ප්‍රහාරය එල්ල කල කාන්තාව අතර පැවැති අනියම් සම්බන්ධතාවයක් හේතුවෙන් ඇති වු ආරවුලක් මත මෙම සිදුවීම සිදු වු ඇති බවට පොලිස් විමර්ශන වලදී අනාවරණ වී ඇති බව පොලිසි කියා සිටියේය.

තව ද ඉහත මිය ගිය පුද්ගලයා සිද්ධිය වු අවස්ථාවට පෙර ඉහත කාන්තාවට වෙඩි තැබිමට උත්සාහ කර ඇති බවත් අනාවරණය වන අතර එම මෙරට නිෂ්පාදිත ගල්කටස් වර්ගයේ ගිනි අවියද පොලිසිය විසින් සොයා ගෙන ඇත. කෑගල්ල පොලිසිය වැඩිදුරටත විමර්ශන පවත්වාගෙන යනු ලබයි.