අමෙරිකානු රිපබ්ලිකන් පාර්ශ්වයේ සෙනෙට් සභික ස්ටීව් ඩේන්ස් (Steve Daines) ඇතුළු පස් දෙනෙකුගෙන් යුත් ද්විපාර්ශ්වික නියෝජිත කණ්ඩායමක් ලබන සතියේදී චීනයේ සංචාරයක නිරත වීමට නියමිත බව සවුත් චයිනා මෝනිං පෝස්ට් (SCMP) පුවත්පත වාර්තා කරයි.
අමෙරිකානු ජනාධිපති ඩොනල්ඩ් ට්රම්ප් ලබන මැයි 14 සහ 15 යන දිනවල චීන ජනාධිපති ෂී ජින්පිං හමුවීම සඳහා බීජිං නුවරට පැමිණීමට නියමිත අතර, සෙනෙට් සභික ඩේන්ස්ගේ මෙම සංචාරය එම ප්රධාන හමුවට පෙර සූදානමක් ලෙස සැලකේ. ඉරාන යුද්ධය හේතුවෙන් කල් දමන ලද ජනාධිපති ට්රම්ප්ගේ මෙම චීන සංචාරය වසර අටකට පසු ඔහු චීනයට පැමිණෙන පළමු අවස්ථාවයි.
ඩේන්ස් ප්රමුඛ නියෝජිත පිරිස මැයි 01 වනදා සිය සංචාරය ආරම්භ කිරීමට නියමිත අතර එහිදී ඔවුන් ෂැංහයි සහ බීජිං යන නගරවල සංචාරය කරනු ඇත. මෙම සංචාරය හරහා දෙරට අතර පවතින ආර්ථික සහ දේශපාලන සබඳතා පිළිබඳව මෙන්ම කලාපීය ආරක්ෂාව පිළිබඳව ද සාකච්ඡා කිරීමට නියමිතය.
