අමෙරිකා එක්සත් ජනපදයේ 250 වැනි සංවත්සරය සැමරීම වෙනුවෙන් පැවැත්වීමට නියමිත “ෆ්රීඩම් 250″ (Freedom 250) ප්රසංග මාලාව අවලංගු කර, ඒ වෙනුවට තමන් විසින් විශේෂ දේශනයක් පැවැත්වීම පිළිබඳව ජනාධිපති ඩොනල්ඩ් ට්රම්ප් සලකා බලමින් සිටින බව වාර්තා වේ. ජුනි 25 සිට ජූලි 10 දක්වා වොෂිංටන් නුවරදී මෙම ප්රසංග මාලාව පැවැත්වීමට සැලසුම් කර තිබිණි.
කෙසේ වෙතත්, මේ වන විට ප්රසංග මාලාවට සහභාගී වීමට නියමිතව සිටි කලාකරුවන් පස් දෙනෙකු ඊට සහභාගී නොවන බව ප්රකාශ කර තිබේ. අවසන් වරට රොක් සංගීත කණ්ඩායමක් වන ‘පොයිසන්’ (Poison) හි ප්රධාන ගායක බ්රෙට් මයිකල්ස් ද එම ප්රසංගයෙන් ඉවත් වීමට තීරණය කළේය.
මෙම තත්ත්වය හමුවේ තමන් දේශනයක් සහ රැලියක් පැවැත්වීම වඩාත් යෝග්ය බව ‘ටෘත් සෝෂල්’ (Truth Social) සමාජ මාධ්ය ඔස්සේ අදහස් දක්වමින් ට්රම්ප් සඳහන් කළේය. එල්විස් ප්රෙස්ලි සිය කීර්තිමත් අවධියේදී ලබාගත් ප්රේක්ෂක පිරිසටත් වඩා විශාල පිරිසක් තමන්ගේ දේශන සඳහා එක්වන බව ද ඔහු එහිදී වැඩිදුරටත් අවධාරණය කළේය.
