කොවිඩ් මර්දනයට සජිත්ගේ ජන සුවය එක්වෙයි !
කොරෝනා උවදුරින් ව්‍යසනයට පත් රට, සුවපත් කිරීම අරමුණු කොටගෙන සජිත් ප්‍රේමදාස මහතාගේ සංකල්පයක් මත දිවයින පුරා ක්‍රියාත්මක ‘ජන සුවය’ ව්‍යාපෘතියෙන් සිදුකරන ලද සමාජ සත්කාර වැඩසටහනෙහි දෙවැනි පියවර ලෙස ලක්ෂ 32ක් වටිනා අත්‍යාවශ්‍ය රෝහල් උපකරණ පරිත්‍යාගයක් සිදුකර තිබේ.
මේ හරහා රට පුරා කොරෝනා ව්‍යසනයෙන් පීඩාවට ජනතාවගේ සෞඛ්‍යමය සුරක්ෂිතභාවය ඇති කිරීමට අපේක්ෂා කෙරේ.
මීට පෙර ඉකුත් 8 වෙනිදා මෙහි පළමු අදියර ලෙස රුපියල් ලක්ෂ තුනකට ආසන්න වටිනාකමක් සහිත අත්‍යවශ්‍ය රෝහල් උපකරණ කට්ටලයක් (Syringe Pump 3ක්, Multi para monitor 2ක්)ඒ මහතාගේ මූලිකත්වයෙන් නැගෙනහිර කොළඹ මූලික (මුල්ලේරියාව) රෝහල් අධ්යක්ෂ වෛද්‍ය ප්‍රියන්ත කරුණාරත්න මහතා වෙත පරිත්‍යාග කරනු ලැබීය.
මාතෲභූමියේ සියලුදෙනා සුවපත් නිරෝගී පිරිසක් ලෙස සිටිනවා දැකීම සිය ප්‍රාර්ථනය බවත් ප්‍රායෝගිකව මේ මොහොතේ කළයුතු දේ සිදුකිරීමට තමන් කැපවෙන බවත් සජිත් ප්‍රේමදාස මහතා පවසයි.