කොළඹ කොටස් වෙළෙඳපොළේ සියලු කොටස් මිල දර්ශකය (ASPI) අද (අප්රේල් 20) දිනය අවසානයේ ඒකක 203.26ක පහත වැටීමක් වාර්තා කළේය. මෙය පෙර දිනට සාපේක්ෂව සියයට 0.89ක අගයක අඩුවීමක් වන අතර, ඒ අනුව දිනය නිමාවන විට දර්ශකය ඒකක 22,570.03ක් ලෙස සටහන් විය.
වෙළෙඳපොළ දත්තවලට අනුව අද දින වාර්තා වූ සමස්ත පිරිවැටුම රුපියල් බිලියන 4.1කි. ආයෝජකයන්ගේ මිලදී ගැනීම් සහ විකුණුම් හැසිරීම් මත දර්ශකයේ මෙම වෙනස්වීම් සිදුව ඇති බව වෙළෙඳපොළ විශ්ලේෂකයෝ පෙන්වා දෙති.
