සිංහල හා දෙමළ අලුත් අවුරුදු නිවාඩුව නිම කර ගාල්ල සහ මාතර ප්රදේශවල සිට කොළඹ හෝ මාකුඹුර බලා පැමිණෙන මගී ජනතාව සඳහා මාර්ගගත ක්රමය ඔස්සේ බස් රථ ආසන වෙන් කරවා ගැනීමේ පහසුකම සලසා ඇති බව ප්රවාහන, මහමාර්ග සහ නාගරික සංවර්ධන අමාත්යාංශය පවසයි. මෙම වැඩපිළිවෙළ මගින් මගීන්ට අනවශ්ය තදබදයකින් තොරව සහ සහනදායී ලෙස සිය ගමනාන්තය දක්වා පැමිණීමට අවස්ථාව සැලසෙනු ඇත.
ප්රවේශ පත්ර වෙන් කරවා ගැනීම සඳහා අමාත්යාංශය විසින් ක්රමවේද කිහිපයක් හඳුන්වා දී ඇති අතර මගීන්ට www.busticket.gov.lk නිල වෙබ් අඩවියට පිවිසීමෙන් හෝ 011 200 1266 යන ක්ෂණික දුරකතන අංකය ඇමතීමෙන් සිය ආසන වෙන් කරවා ගත හැකිය. මීට අමතරව අමාත්යාංශය නිකුත් කර ඇති නිල සමාජ මාධ්ය සටහන්හි ඇති QR කේතය ස්කෑන් කිරීම මගින් ද ඉතා පහසුවෙන් මෙම සේවාව ලබාගත හැකි බව අමාත්යාංශය වැඩිදුරටත් සඳහන් කරයි.
