පවතින මැදපෙරදිග යුදමය තත්ත්වය හමුවේ වුවද මෙරට තෙල් සහ විදුලි සැපයුම අඛණ්ඩව පවත්වාගෙන යන බව සෞඛ්ය සහ ජනමාධ්ය අමාත්ය වෛද්ය නලින්ද ජයතිස්ස මහතා පවසයි. කළුතර ප්රදේශයේදී මාධ්ය වෙත අදහස් දක්වමින් අමාත්යවරයා සඳහන් කළේ ලෝක වෙළෙඳපොළේ තෙල් මිල ඉහළ යාම හමුවේ මෙරට මිල ගණන්වල ද යම් වෙනසක් සිදුවිය හැකි බවයි.
එහෙත් එම සම්පූර්ණ මිල වැඩිවීම පාරිභෝගිකයා මත පටවන්නේ නැතිව, එයින් සැලකිය යුතු කොටසක් මහා භාණ්ඩාගාරය මගින් දරා ගැනීමට රජය තීරණය කර ඇති බව අමාත්යවරයා අවධාරණය කළේය. මැදපෙරදිග පවතින යුදමය වාතාවරණය පහව ගිය වහාම ඉන්ධන මිල නැවත අඩු කිරීම රජයේ මූලික අපේක්ෂාව බව ද ඔහු වැඩිදුරටත් කියා සිටියේය.
