ලොව සුප්රසිද්ධ ‘ජැක් ඩැනියෙල්ස්’ (Jack Daniel’s) විස්කි සන්නාමය හිමි Brown-Forman සමාගම ඇමෙරිකානු ඩොලර් බිලියන 15කට මිලදී ගැනීම සඳහා ඇමෙරිකානු මත්පැන් නිෂ්පාදන සමූහයක් වන Sazerac සමාගම ඉදිරිපත් වී ඇති බව වාර්තා වේ. බදාදා දින අනාවරණය වූ මෙම තොරතුරත් සමඟ, ප්රංශයේ Pernod Ricard සමාගම සහ Brown-Forman අතර පැවති ඒකාබද්ධ වීමේ සාකච්ඡා තවදුරටත් සංකීර්ණ වී තිබේ.
අභ්යන්තර ආරංචි මාර්ගවලට අනුව, Sazerac සමාගම Brown-Forman හි කොටසක් සඳහා ඩොලර් 32ක මුදලක් යෝජනා කර ඇත. කොවිඩ් වසංගතයෙන් පසු මත්පැන් පරිභෝජනය පහත වැටීම, සැපයුම් දාමයේ බාධා සහ ඇමෙරිකානු බදු ප්රතිපත්ති (Tariffs) පිළිබඳ පවතින අවිනිශ්චිතතාව හමුවේ මත්පැන් නිෂ්පාදන සමාගම් දැඩි මූල්ය පීඩනයකට ලක්ව සිටී. මෙවැනි පසුබිමක සමාගම් දෙකක් ඒකාබද්ධ වීම හරහා පිරිවැය අවම කර ගැනීමට සහ වෙළඳපොළ තුළ ස්ථාවරත්වයක් පවත්වා ගැනීමට අවස්ථාව හිමි වන බව ආර්ථික විශ්ලේෂකයෝ පෙන්වා දෙති.
Pernod Ricard සමාගම සතු ගෝලීය ව්යාප්තිය Brown-Forman සමාගමට වඩාත් සුදුසු වනු ඇතැයි ඇතැම් විශ්ලේෂකයින් පැවසුවද, Sazerac සහ Brown-Forman අතර පවතින දිගුකාලීන සබඳතාව මෙම ගනුදෙනුවේදී වාසියක් වනු ඇතැයි ව්යාපාරික උපදේශකයෝ විශ්වාස කරති. විශේෂයෙන්ම මැදපෙරදිග පවතින යුදමය වාතාවරණය හේතුවෙන් ගෝලීය ආර්ථිකය අඩාල වී ඇති මොහොතක, මෙවැනි දැවැන්ත ව්යාපාරික ඒකාබද්ධ කිරීම් ආයෝජකයින්ගේ විශේෂ අවධානයට ලක්ව තිබේ.
