අප දෛනිකව සිදුකරන ඇතැම් සුළු පුරුදු මාරාන්තික අනතුරු කැඳවිය හැකි බව බොහෝ දෙනා අවබෝධ කරගන්නේ එවැනි ව්යසනයක් සිදු වූ පසුවය. එක්සත් රාජධානියේ ලන්ඩන් ගිලන් රථ සේවයේ සහය වෛද්යවරියක ලෙස සේවය කළ 23 හැවිරිදි නැටලී කුනිට්ස්කි (Natalie Kunicki) මුහුණ දුන් සිදුවීම මීට කදිම නිදසුනකි.
විනෝදාංශයක් ලෙස හෝ විවේකීව සිටින විට බෙල්ල දෙපසට හරවා ‘ටක්’ යන ශබ්දය එන සේ කැඩීම නැටලීගේ පුරුද්දක් විය. එක් දිනක මෙලෙස බෙල්ල ඇදීමෙන් සුළු මොහොතකට පසු ඇගේ වම් පාදය පණ නැති වී තිබේ. රෝහල් පරීක්ෂණවලදී හෙළි වූයේ බෙල්ලේ පිහිටි ප්රධාන ධමනියක් වන කශේරුකා ධමනිය එම චලනය නිසා පිපිරී ගොස් ඇති බවයි.
ධමනිය පිපිරීමත් සමඟ ඇති වූ ලේ කැටියක් මොළයට ගමන් කිරීම නිසා ඇය අංශභාග (Stroke) තත්ත්වයට පත්ව ඇති බව වෛද්යවරු තහවුරු කළහ. සැත්කම් මඟින් ඇගේ ජීවිතය බේරා ගත්ත ද, ඇගේ සිරුරේ වම් පස අඩපණ වූ අතර යථා තත්ත්වයට පත්වීමට දීර්ඝ කාලයක් භෞත චිකිත්සක ප්රතිකාර ලැබීමට ඇයට සිදු විය.
වෛද්ය විශේෂඥයන් පෙන්වා දෙන්නේ බෙල්ලේ ඇති ලේ නහර සහ ස්නායු පද්ධතිය ඉතා සියුම් සහ සංවේදී බවයි. බෙල්ල අනවශ්ය ලෙස තෙරපීම හෝ ක්ෂණික චලනයන් මඟින් ලේ නහරවල අභ්යන්තර පටල බිඳී යා හැකිය (Arterial Dissection)මෙය වයස් භේදයකින් තොරව ඕනෑම අයෙකුට සිදුවිය හැකි මාරාන්තික තත්ත්වයකි.
පහත අවස්ථාවලදී වඩාත් පරීක්ෂාකාරී වන්න :
හෙඩ් මසාජ් (Head Massage) රූපලාවන්යාගාරවලදී හෝ නිවසේදී හිස සම්බාහනය කිරීමේදී බෙල්ල වේගයෙන් කරකැවීම හෝ ඇදීමෙන් වළකින්න.
තෙහෙට්ටුව මකා ගැනීමට බෙල්ල ශබ්ද එන සේ කැඩීමෙන් වළකින්න.
බෙල්ල ආශ්රිත ව්යායාම කිරීමේදී වෛද්ය උපදෙස් මත ඉතා මෘදු ලෙස ඒවා සිදු කරන්න.
සැලකිය යුතුයි :
ඔබේ බෙල්ලේ වේදනාවක් හෝ තද ගතියක් පවතී නම්, එය ශබ්ද නගා කැඩීමට උත්සාහ කරනවා වෙනුවට නිසි වෛද්ය උපදෙස් ලබා ගැනීම හෝ මෘදු ලෙස බෙල්ලේ ඉරියව් වෙනස් කිරීම පමණක් සිදු කළ යුතුය.
