යුරෝපා සංගමයේ දැවැන්තම ශිෂ්යත්ව වැඩසටහනක් වන Erasmus Mundus යටතේ පිරිනමනු ලබන ‘MARIHE 2027’ පූර්ණ ශිෂ්යත්ව වැඩසටහන සඳහා අයදුම්පත් කැඳවීම ආරම්භ කර තිබේ.
උසස් අධ්යාපන ක්ෂේත්රයේ පර්යේෂණ සහ නවෝත්පාදන (Master’s in Research and Innovation in Higher Education – MARIHE) පිළිබඳ පශ්චාත් උපාධි පාඨමාලාව වෙනුවෙන් මෙම ශිෂ්යත්වය පිරිනමන අතර, ඔස්ට්රියාව, ෆින්ලන්තය, ජර්මනිය, හංගේරියාව, පෘතුගාලය, චීනය සහ ඉන්දියාව යන රටවල පිහිටි විශ්වවිද්යාල 07 ක හවුල්කාරීත්වයෙන් මෙය ක්රියාත්මක වේ. තේරී පත්වන සිසුන්ට සෑම අධ්යයන වාරයක්ම වෙනස් රටක සහ වෙනස් විශ්වවිද්යාලයක හැදෑරීමට අවස්ථාව හිමිවේ.
සම්පූර්ණ පාඨමාලා ගාස්තු නිදහස් කෙරෙන මෙම ශිෂ්යත්වය යටතේ නවාතැන්, ජීවන වියදම්, වීසා සහ ගමන් වියදම් ඇතුළු පර්යේෂණ කටයුතු වෙනුවෙන් මාසිකව යුරෝ 1,400 ක (EUR 1400/Month) දීමනාවක් ද පිරිනැමේ. මෙම ශිෂ්යත්ව වැඩසටහන සඳහා අයදුම්පත් භාරගන්නා අවසාන දිනය 2026 සැප්තැම්බර් මස 21 වනදා ලෙස සඳහන් වන අතර, අදාළ නිල මාර්ගගත පද්ධතිය ඔස්සේ සුදුසුකම්ලත් අයදුම්කරුවන්ට අයදුම්පත් යොමු කළ හැක.
