රාගම ප්රදේශයේ වෙළඳසැලක් තුළදී කාන්තාවකට පහර දී ඇයගේ හිසකෙස් බලහත්කාරයෙන් කැපීමේ සිද්ධියට සම්බන්ධ ප්රධාන සැකකරු ඇතුළු පස්දෙනෙකු පොලිසිය විසින් අත්අඩංගුවට ගෙන තිබේ. සමාජ මාධ්ය ඔස්සේ සංසරණය වූ වීඩියෝ දර්ශන පදනම් කරගනිමින් රාගම පොලිසිය විසින් මෙම අත්අඩංගුවට ගැනීම් සිදු කර ඇත. සිද්ධියට මුහුණ පෑ කාන්තාවගෙන් ප්රකාශයක් සටහන් කරගත් පොලිසිය, ඇයව වෛද්ය පරීක්ෂණයක් සඳහා රාගම ශික්ෂණ රෝහල වෙත යොමු කර තිබේ.
අත්අඩංගුවට ගත් පිරිස අතර 27 හැවිරිදි ප්රධාන සැකකරු මෙන්ම රාජාංගනය, කඩවත, රාගම සහ ත්රිකුණාමලය යන ප්රදේශවල පදිංචි අවුරුදු 20 ත් 23 ත් අතර වයස්වල පසුවන තවත් තරුණයින් සිව්දෙනෙකු ද වෙති. සැකකරුවන් සියලු දෙනා අද (අප්රේල් 18) වැලිසර මහේස්ත්රාත් අධිකරණය වෙත ඉදිරිපත් කිරීමට නියමිතව ඇත. රාගම පොලිසිය සිද්ධිය සම්බන්ධයෙන් වැඩිදුර විමර්ශන සිදු කරනු ලබයි.
