කටාන, ඇටඹගහවත්ත ශ්රී දුමින්දාරාම විහාරස්ථානයේ වාර්ශික කඨින පෙරහැර ගමන් ගන්නා මාර්ගයේදී මල් වෙඩිල්ලක් දැල්වීමට ගොස් ළමයෙකු අනතුරට ලක්ව තිබේ. අද (02) පස්වරු 02 කට පමණ මෙම අනතුර සිදුවු බව පොලිසිය පවසයි. අනතුරට පත් වු ළමයා වයස අවුරුදු 14 ක් වු ඇටඹගහවත්ත ප්රදේශයේ පදිංචි අයෙකි.
මෙම ළමයා කඨින පෙරහැර ඇටඹගහවත්ත, උතුරු කදිරාන ප්රදේශයෙන් ගමන් කරන අවස්ථාවේදී ළමයෙකු විසින් අඩි 01 ක් පමණ වු බිම තබා දල්වන මල් වෙඩිල්ලක් නිවස ඉදිරිපිට තබා පත්තු කල ද එය පත්තු නොවීම හේතුවෙන් නැවතත් එයට එබී බලන අවස්ථාවේදී එය එක්වරම පත්තු වීමෙන් මෙම අනතුර සිදුවු ඇති අතර තුවාල වු ළමයා මීගමුව රෝහලට ඇතුලත් කිරීමෙන් අනතුරුව මිය ගොස් ඇති බව පොලිසිය පවසයි.
සිද්ධිය සම්බන්ධයෙන් කටාන පොලිසිය වැඩිදුර විමර්ශන සිදු කරනු ඇත.
