වසර 04 කට පසු ශ්‍රී ලංකා හොකී සම්මේලනය සදහා තේරී පත් වූ නිළධාරී මණ්ඩලය මගින් ශ්‍රී ලංකාවේ හොකී ක්‍රීඩාවේ ඉදිරි දැක්ම උදෙසා ප්‍රථම වරට පවත්වනු ලබන කණිෂ්ඨ කාන්තා හොකී ශූරතාවලීය ලබන 07 වනදා සිට 09 වන දින දක්වා කොළඹ රීඩ් මාවතේ කෘතිම හොකී ක්‍රීඩාංගණයේදී පැවැත්වීමට නියමිතයි.

මෙම තරගාවලිය සදහා දිස්ත්‍රික් කණ්ඩායම් 10 ක් සහ ශ්‍රී ලංකා පාසැල් හොකී සංගම්වල කණ්ඩායම් සහභාගී වීමට නියමිතය. මෙම තරගාවලිය වයස අවුරුදු 21 න් පහළ වයස් කාණ්ඩය යටතේ පැවැත්වේ.මෙම කණ්ඩායම් 10 කාණ්ඩ 02 ක් යටතේ ලීග් ක්‍රමයට තරග වදිනු ඇත.

මෙම තරගාවලියේ මූලික පරමාර්ථය වනුයේ ශ්‍රී ලංකාවේ දසත පැතිරී සිටින දක්ෂ ක්‍රීඩිකාවන්ගෙන් සැදුම්ලත් සංචිතයක් පිහිටුවමින් ඉදිරියේදී පැවැත්වීමට නියමිත ආසියානු කණිෂ්ඨ හොකී ශූරතාවලිය සදහා කණ්ඩායමක් සහභාගී කරවීමය.

මෙම තරගාවලියට සමගාමීව විනුසුරුවරුන්ගේ සහ පුහුණුකරුවන්ගේ පාඨමාලා දෙකක් ජාත්‍යන්තර හොකී සම්මේලනයේ පළපුරුදු පුහුණුකරුවන් දෙදෙනෙක් යටතේ පසුගිය 02 වනදා දින සිට 2019.06.09 වන දින දක්වා ජාතික ඔලිම්පික් ආයතනයේ පැවැත්වේ.